Безнең балалар шулай ял итә

Балалар лагерьда иртәнге сәгать 8дән 2гә кадәр булачаклар, ә якшәмбе көнне ял итәләр. Лагерь җитәкчесе-башлангыч сыйныфлар укытучысы Ольга Коновалова, тәрбиячеләр Е.Шункова, Т.Козлова, Л.Пономарева, С. Гарипова, Т.Березовская, Г. Кутуева.
Ольга Николаевна әйтүенчә, “Салават күпере” сәламәтләндерү лагереның балаларны әдәп-әхлак ягыннан тәрбияләүдә дә роле зур. Малайлар һәм кызлар ял итеп кенә калмыйлар, ә саф һавада, экскурсияләрдә йөреп, сәламәтлекләрен ныгыталар, күп кенә кызыклы, мавыктыргыч нәрсәләрне өйрәнәләр. Сабыйларны өч тапкыр ашаталар. Кыскасы, балаларның көне буена тамаклары тук.
 Анда алган яхшы кәеф, шатлыклы вакыйгалар әлеге лагерьга йөрүчеләрнең күңелендә озак сакланыр.