Алексеевск муниципаль районы

Сүз – яшьләргә

2015 елның 8 июне, дүшәмбе

Мәсәлән, «Форпост» яшьләр белән эшләү буенча белгече Лилия Кашапова аграр колледж студентлары белән бергә (алар исәбенә пляжга якын урамнарда яшәүчеләр дә керде) Совет урамы районындагы Кама елгасы ярында тәртип урнаштырдылар. Лилия, егетләр чүп-чар һәм шешәләр белән чүпләнгән урыннарда түгел, ә чиста пляжда ял итәргә теләп, чарада катнашырга бик теләп риза булдылар, дип билгеләп үтте. Иреклеләрнең берсе болай диде: “Әгәр пляжны без чистартмасак һәм үзебез үрнәк күрсәтмәсәк, моны кем эшләр? Үз артыңнан бернинди чүп-чар калдырмыйча, культуралы ял итәргә кирәк бит”. Акция азагында егетләр киләчәктә дә район үзәген төзекләндерү эшендә һәрьяклап булышырга теләк белдерделәр. Проект кысаларында Кама елгасы буйларын чистартуда бистә кешеләре белән Наталья Гордеева да шөгыльләнде. Халыкара сулыкларны чистарту көнендә шулай ук “Яшь депутат мәктәбе” проекты кысаларында анда катнашучылар Марат Абдуллин белән Светлана Демидова Левашево кешеләре белән бергә әлеге авылның су буйларын чүп-чардан чистарттылар. Максим Панкратов Зирекле авыл җирлегендә буа тирәләрен чистарту буенча экологик акция оештырды. Елена Косова Кыркүл авыл җирлегендә “Чиста сулык” экологик акциясе, Марат Вәлиев шундый ук акцияне үзенең Зур Тигәнәледәге сайлаучылары белән үткәрде. Лебедино авыл җирлеге территориясендә проектны гамәлгә ашыру белән акциядә катнашырга халыкны һәм яшь депутатларны җәлеп иткән Юлия Мингулова шөгыльләнде. Алар уртак тырышлык белән ике чишмәне чистарттылар һәм төзекләндерделәр.

БАРЛЫК ЯҢАЛЫКЛАРНЫ УКУ