Талантларның төп фестивале “Сад” “Созвездие-Йолдызлык”та рухилык темасын ачты

2015 елда фестивальгә 15 ел тулды. Шәһәр күләмендәге яшьләр чарасы буларак башланып, фестиваль бүген Россия күләмендәге мөһим мәдәни күренешкә әйләнде.
Быел фестиваль халкыбызның Бөек Ватан сугышында Җиңүенең 70 еллыгы билгесе астында узды. 2003 елдан башлап районыбыз һәрвакыт “Сад” эстрада-хореография студиясен тәкъдим итә. Быелгы фестивалебез турында “Сад” коллективы җитәкчеләре, Татарстан Республикасының атказанган мәдәният хезмәткәрләре Марина һәм Юрий Калининнар менә ниләр сөйлиләр:
– “Созвездие-Йолдызлык” фестиваль хәрәкәте сәхнә белән яшәүче кешеләр өчен. Бу иҗади Олимпка үзенә бертөрле трамплин. Ул яңа талантларны ачу өчен менә дигән мөмкинлек. ТР Президенты “Созвездие-Йолдызлык” фестивален Россиядә иң уңышлы проектларның берсе дип саный.
Бу фестивальгә, һичшиксез, Бөек Ватан сугышы темасына номер әзерләргә кирәк иде. Без еврей халкының фашист концлагерьларында күргән михнәтләре турында “Феникс” исемле хореографик номер әзерләдек. Уйлап табылган стильле тоткыннар киеме биюгә аерым бер моңсулык өстәде. Без Аксубайда мартта узган зона этабын уңышлы үтеп, 1нче урынны алдык. Ә инде апрельдә районны Татарстан башкаласындагы финал ярышларында тәкъдим иттек. Казан профессионаллары белән иң көчле төркемгә эләгеп, без беренче көнне хәрби кием киеп биюне тагын   яхшы итеп өйрәндек. Ә аннары төн буе, чыгышыбызны ничек бәяләүләрен көтеп, компьютер янында утырдык. Чыгышыбыз конкурс жюриена ошады, һәм без, моңа кадәрге еллардагы кебек үк, финалга чыктык. Әйтергә кирәк, шәһәрләр белән ярышу, әлбәттә, авыр. Хореографик колледжлар, университетларда әзерләнүче коллективлар – көндәшләребез шулар иде. Авыл җиреннән килгән талантлы биючеләребезнең уңышлы чыгышы шуның белән дә кыйммәтрәк. Мәскәү белгечләре югары бәяләгән һәм алексеевскилыларга инде таныш булган моңа кадәрге чыгышлар һәм “Кыңгырау чыңы” композициясе безгә мактау пьедесталының 3нче баскычын алырга мөмкинлек бирде. Республиканың алтмышлап иң яхшы бию  коллективы арасында өченче урын – бу урта яшь төркеме тәрбияләнүчеләребезнең, һичшиксез, уңышы, алар арасында солистлар юк. Гала-концертта тамашачыларга “Кыңгырау чыңы” бик ошады.
“Сад” тарихында җиңүләр дә, икенче урыннар да күп булды, һәм безнең бер тапкыр да өченче урыннан түбәнрәк төшкәнебез. Шуңа күрә барлык яшьтәге катнашучыларга тырышлыклары һәм биюгә мәхәббәтләре өчен рәхмәт әйтәм.