Алексеевск муниципаль районы

“Игътибар – балалар!”

2015 елның 26 мае, сишәмбе

Айлык чорында балаларның юл-транспорт җәрәхәтен булдырмау эшенең торышы турындагы мәсьәлә карала, мәктәпләрдә ата-аналар җыелышлары үткәрелә. Алар барышында шулай ук юлларда балаларның үзләрен куркынычсыз тотуын (шулай ук велосипедларда һәм скутерларда), атап әйткәндә, куркынычсызлык каешларыннан һәм балаларны тотып тору җайланмаларыннан файдалану мәсьәләләренә аерым игътибар бирелә. Моннан тыш, ата-аналар ата-ана булу вазыйфаларын үтәмәгән очракта аларга карата нинди чаралар күрелергә мөмкин булуы аңлатыла. Шунысы да игътибарга лаек, айлык кысаларында мәктәп яны, балалар сәламәтләндерү лагерьларында балаларга юл хәрәкәте кагыйдәләре аңлатыла, юлларда үз-үзеңне куркынычсыз тоту кагыйдәләрен тәрбияләүгә юнәлдерелгән әңгәмәләр, конкурслар, викториналар үткәрелә. Ә 1 июньдә, Халыкара балаларны яклау көнендә, яшь инспекторлар отряды әгъзалары мәктәпләрдә, балалар бакчаларында һәм оешмаларда брошюралар, буклетлар һәм листовкалар таратачаклар. Тагын шунысы да бар: айлык вакытында, 25 майга кадәрге чорда, мәктәпләр һәм балалар бакчалары янында ЮХИДИ хезмәткәрләренең кизү торуы оештырылган, хәрәкәт иткәндә җәяүлеләргә өстенлек бирмәүче шоферларны һәм юл хәрәкәте кагыйдәләрен бозучы җәяүлеләрнең үзләрен ачыклау буенча рейдлар үткәрелә.

БАРЛЫК ЯҢАЛЫКЛАРНЫ УКУ