Чәчү-2015 Финиш сызыгында

Быелгы чәчү кампаниясендә барлыгы 50 мең гектарга якын мәйдан чәчелде, бу – чәчү эшләре планының 90 процентын тәшкил итә. Кукуруз һәм көнбагыш чәчү дә төгәлләнеп килә.
Соңгы этапта “Северное Алексеевское” ВЗПда 50 гектардан аз гына күбрәк кукуруз һәм 200 гектарга якын  көнбагыш чәчәсе калды. Бу хуҗалыкта чәчү эшләренең югары темпта алып барылуына эшне ике сменада оештыру нәтиҗәсендә ирешергә мөмкин булды. Мәсәлән, механизатор Александр Маркин кулдашы Валерий Левин белән 1000 гектардан артык мәйданда орлыкны җир куенына салды. Механизаторларның әлеге бригадасы тырмалауда һәм минераль ашламалар кертүдә дә уңышлы эшләде.
Аграр колледж студентлары чәчү кампаниясен уңышлы төгәлләүгә үз өлешләрен керттеләр, алар өйрәнү басуларында тәҗрибәле осталар белән бертигез эшләделәр. Беренче курс студентлары Юрий Семин, Иван Тихонов, Максим Максимов, Булат Гайфетдинов үзләрен бик яхшы яктан күрсәттеләр.
Бүгенге көндә район хуҗалыкларында көзге культураларны чүп үләннәр, авырулар һәм корткычларга каршы эшкәртү тулы көчкә бара, әлеге чаралар белән беррәттән үсемлекләрне тамырдан тыш тукландыру да үткәрелә.