Алексеевск муниципаль районы

"Мотобратия во Христе" клубы байкерлары “Кайгырту” приюты тәрбияләнүчеләре янында булдылар

2015 елның 19 мае, сишәмбе

Кайгырту”да балалар мотоклуб байкерларын сырып алдылар, алардан корыч атлар турында сораштылар. Ә шул арада егетләр “Настоящая Пасха” сәхнәләштерелгән әсәрен күрсәтү өчен декорацияләр әзерләделәр. Әлеге спектакльне «Свет миру» яшьләр бүлеге егетләре һәм кызлары ай буена репетиция ясадылар. Анда иркә принцессаның хезмәт һәм Аллаһы Тәгаләгә ышануы аша тыңлаучан кызга һәм яратучы хатынга әйләнүе турында сөйләнелә. Шулай ук концертны алып баручылар Ольга Шарова белән Ирина Ляпина балалар белән интерактив уеннар үткәрделәр. “Кайгырту” тәрбияләнүчеләре Пасха белән бәйләнгән сорауларга җавап бирделәр, Тәүрат персонажлары турында үз белемнәрен тикшерделәр. Дөрес җаваплар өчен тамашачыларга татлы призлар өләштеләр. Ә инде концерт программасыннан соң балаларны мотоциклда йөртеп килү көтеп торды, алар моңа чиксез сөенделәр. "Мотобратия во Христе" клубының Пасха проекты шуның белән тәмамланды.

Апрель һәм май айларында байкерлар Алексеевск яшьләре белән Казанның Левченко бистәсендәге махсус мәктәбенә һәм Бөгелмәдәге “Ялкын” приютына бардылар. Барлык учреждениеләрдә дә “Настоящая Пасха” дигән спектакль күрсәтелде, Пасха бәйрәме тарихын һәм Тәүрат персонажларын белүгә уеннар үткәрелде. Әлбәттә инде, байкерлар теләге булган балаларның барысын да мотоциклларга утыртып йөрттеләр.

– Бу үзенә күрә миссионерлык проекты, – ди "Мотобратия во Христе" клубы президенты иерей Илья Маташов. – Имин булмаган гаилә балалары правослау мотоциклчылары һәм яшьләре белән аралашу тәҗрибәсе алдылар. Әлеге очрашу аларга тормышта үз юлларын табарга һәм Аллаһы Тәгаләбезгә якынаерга булышыр, дип ышанам. Катнашучылар барысы да әлеге сәфәрдән канәгать калдылар, һәм без киләсе елга да шундый бернәрсә үткәрергә планлаштырабыз.

БАРЛЫК ЯҢАЛЫКЛАРНЫ УКУ