Алексеевск муниципаль районы

Лебедино авыл җирлегендә Җиңү көненә багышланган бәйрәм чаралары булып узды

2015 елның 9 апреле, пәнҗешәмбе

Һәр торак пунктның мәдәният йортында тантаналы шартларда 1941-1945 еллардагы Бөек Ватан сугышында Җиңүнең 70 еллыгы хөрмәтенә сугыш ветераннарының тол хатыннарына һәм тыл хезмәтчәннәренә юбилей медальләре, шулай ук ТР Президенты Рөстәм Миңнеханов исеменнән 70 еллыкка бәйрәм җыелмалары тапшырылды. Кунаклар өчен Лебедино мәктәбе укучылары һәм авыл яшьләре катнашында концерт оештырылган иде. Рәхмәт сүзләре белән Лебедино башлангыч бүлекчәсе секретаре Ю.И. Тюкарев, ветеран оешмасының җәмәгатьчелек советы рәисе В.А. Курочкин мөрәҗәгать итте. Сәламәтлекләре начар булуга да кармастан, күп кенә ветераннар үзләре килгән иделәр. Чарада катнашуга ветераннарның туганнары, сугыш чоры балалары чакырылды. Ветераннар юбилей медальләре тапшырганда авыр сугыш еллары турындагы истәлекләре белән уртаклаштылар, күпләр медальләр алдылар. Аларның күзләрендә яшь бөртекләре чагылды. Концерт тәмамланганнан соң чәй эчү мәҗлесе оештырылды, чәй янында ветераннар рәхәтләнеп сөйләшеп утырдылар, сугыш еллары җырларын җырладылар.

Сәламәтлекләре аркасында тантаналы концертка килә алмаган ветераннарга медальләр һәм бүләкләр өйләренә барып тапшырылды. “Беркем дә онытылмады, бернәрсә дә онытылмады” лозунгы девизга әйләнергә тиеш.

БАРЛЫК ЯҢАЛЫКЛАРНЫ УКУ