“Тере классика”

2015 елның 13 марты, җомга
Иҗат бәйгесендә районның сигез гомуми белем бирү учреждениесеннән 6-7 сыйныфларда укучы 12 бала катнашты. Яшь китап укучылар рус һәм чит ил язучыларының проза әсәрләреннән кычкырып өзекләр укуда ярыштылар. Конкурс йомгаклары буенча бистәнең өченче мәктәбе укучысы Дарья Еремина җиңүче дип табылды, ул Виктор Астафьевның “Белогрудка” әсәреннән өзек укыды. Икенче урынга Виктор Драгуновскийның “Он живой и светится” хикәясе өчен Урманасты Шунталысы мәктәбе укучысы Эльмира Хәмидуллина лаек булды, ул диплом белән бүләкләнде. Өченче урында Шәмә мәктәбе укучысы Алексей Ермолаев, ул Виктор Драгуновскийның “Если бы я был взрослым” хикәясен укыды. Атап киткән укучылар конкурсның 2 апрельдә Казанда узачак республика этабында районыбызны тәкъдим итәчәкләр.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International