Алексеевск муниципаль районы

Татарстан чаңгы юлы- 2015

2015 елның 4 феврале, чәршәмбе

Ир-егетләргә (18-29 һәм 30-44 яшьлекләр, 45-59, 60 яшьлекләр һәм өлкәнрәкләр) 5 километр араны үтәргә кирәк, хатын-кызлар өчен (18-29, 30-44 яшь, 45-54 яшь, 55 яшь һәм өлкәнрәкләр) ул ике тапкырга диярлек кыскарак – 3 километр.
2004 елда туган һәм аннан яшьрәк кызлар өчен бирем тагын да җиңелрәк – аларга чаңгыда 2 километр узарга кирәк булачак. 2002-2003 елларда туганнарга да 2 км, ә менә 2000-2001 һәм 1997-1999 елларда туган кызлар өчен ара ераклыгы хатын-кызларныкы кебек –3 километр. 2004 елда туган малайларга үзләренең яшьтәшләре кебек 2 км узарга туры киләчәк, 2002-2003 һәм 2000-2001 елларда туучыларга – 3 км, ә 1997-1999 елгы егетләрне зурлар дистанциясе – 5 километр көтә.
Ярышлар – сәгать 10да, теркәү бер сәгатькә алданрак башлана. Вәкилләр яки тренерларның булуы мәҗбүри. Бәйге призерлары грамоталар белән бүләкләнәчәкләр.
Сүз уңаеннан
Чаңгы базасы дүшәмбедән кала көн саен иртәнге 9дан кичке 8гә кадәр эшли. Биредә район кунакларын һәм халкын урман буйлап чаңгыда йөрү генә түгел, ә бәлки шугалак та көтә, анда тимераякта шуып, вакытыңны файдалы итеп үткәрергә мөмкин.

БАРЛЫК ЯҢАЛЫКЛАРНЫ УКУ