“Нәниләр спорт ача”

Педагогия атналыгына багышланган чара “Кышкы күңел ачулар һәм уеннар” эстафетасы формасында үтте. Спорт ярышларында урта, өлкән һәм әзерлек төркемнәре командалары – гимнастика таяклары, туп белән эстафета, туп ыргыту буенча эстафетада көч сынаштылар, шулай ук спорт темасына табышмаклар чиштеләр. Спорт бәйрәменә балалар бакчасы хезмәткәрләре һәм балаларның ата-аналары кунак булып килде, алар да үзләренең көчләрен һәм осталыкларын сынап карадылар. Мәктәпкәчә яшьтәге балалар бик актив уйнадылар, күңел ачтылар, күтәренке кәеф алдылар, дип сөйли балалар бакчасы мөдире Екатерина Фәттахова. Мондый спорт ярышлары тәрбияләнүчеләрдә физик культурага кызыксыну уята, хәрәкәтчәнлекне арттыра, шулай ук физик мөмкинлекләрне ачуга китерә. Моннан тыш, ихтыяр көчен формалаштыра, җиңүгә омтылыш һәм үз көчеңә ышанычны арттыра. Үзләренең уңышларына сөенергә һәм иптәшләре өчен борчылырга мөмкинлек бирә.