Кыркүлдә Раштуа чыршысы

2015 елның 13 гыйнвары, сишәмбе
Бу бәйрәм чын мәгънәсендә онытылмаслык һәм уникаль булды. Изге бәйрәмне каршылауга әзерләнү чарага кадәр күп алдан башланды. Укучылар дәресләрдә үз куллары белән чыршы  уенчыклары, бәйрәм тамашасына декорацияләр, балалар бакчасы һәм китапханә хезмәткәрләре белән берлектә кар фигуралары һәм Раштуа күңел ачу урыны ясадылар. Ләкин авыл кешеләре өчен иң төп бүләк бәйрәм тамашасы булды. Бәйрәмне Симеон атакай ачты. Чиркәү побы авылның бөтен кешесен Раштуа бәйрәме белән котлады, иганәчеләрнең барысына да күрсәткән ярдәмнәре өчен рәхмәт әйтте, изге Троица чиркәве аксакалларына истәлекле бүләкләр тапшырды. Бәйрәм белән шулай ук Кыркүл авыл җирлеге башлыгы Тамара Макарова да котлады. Әкият тамашасын Раштуа җыры белән балалар ачып җибәрде. Мини-спектакль әзерләнгән иде, Раштуа мультфильмнары күрсәтелде, Яңа ел уеннары, чыршы тирәсендә әйлән-бәйлән уйналды. Бу көнне беркем дә игътибарсыз калмады, бөтен балага иганәчеләр биргән Яңа ел бүләкләре тапшырылды. Моның өчен без, авыл кешеләре, Наумов Леонид Григорьевичка һәм Казан иганәчеләренә ярдәмнәре өчен аерым рәхмәт әйтәбез. Балалар бәйрәме матур, күңелле һәм истә калырлык булды. 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Кәгазь
Матбугат хезмәте
Гражданнар мөрәҗәгатьләре
Телефон: 8(84341) 2-39-00
Факс: 8(843241) 2-39-01
E-Mail: Sovet.Aleks@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International