Алексеевск муниципаль районы

Яшүсмерләр татлы призлар өчен көрәштеләр

2014 елның 19 декабре, җомга

Ярышларда Ялкын, Левашево, Биләр, Кр. Баран, Зур Тигәнәле, Кыркүл, Кыр Шунталысы, Зирекле, Юеш Көрнәле һәм Алексеевскидан 45 спортчы катнашты. Малайларны һәм кызларны бадминтонны яратучы, ярышларда даими катнашучы Сергей Турнин котлады, ул балаларга уңышлар теләде. Спортчылар татлы призлар һәм грамоталар өчен көрәштеләр. 13-14 яшьлек кызлар арасында Кыркүлдән Любовь Юманова (3нче урын), Биләрдән Алсу Мортазина (2нче урын) призерлар булдылар. Родникидан Лиана Вәлиева җиңеп чыкты. Малайлар арасында Зур Тигәнәледән Рифат Мостафин – өченче, Кр. Бараннан Владимир Александров – икенче, Кыр Шунталысыннан Камил Низамиев – беренче урында.

15 яшьлек һәм аннан зуррак бадминтончылар арасында Алексеевскидан Рәхим Вальщиков җиңде. Алексеевскилы Рәдиф Фәттахов һәм Родникидан Виталий Егоров шул рәвешчә икенче һәм өченче урыннарны яуладылар. Кызлар арасында Ялкыннан Екатерина Леонтьева үзенең җиңүен бәйрәм итте. Юеш Көрнәледән Анастасия Әхмәтова – икенче, Биләрдән Лилия Зарипова – өченче урында.

БАРЛЫК ЯҢАЛЫКЛАРНЫ УКУ