Казан базарларына бару

2014 елның 27 ноябре, пәнҗешәмбе
Авыл җирлекләре, «Алга», «Родина», «Ясная поляна» колхозлары, «КШ-Агро»ның Көньяк һәм Төньяк филиаллары, җирле фермерларның шундый алты ярминкәсе булды инде. Аларның беренчесе 6 сентябрьдә – агросәнәгать паркында, калган бишесе Чехов базарында узды. Шәһәр кешеләрен иң кирәкле авыл хуҗалыгы продуктлары һәм көндәлек кирәк-ярак товарлары белән, өстәвенә кулай бәяләргә, тәэмин итәргә тиешле ярминкәләрдә районыбыз яшелчә (бәрәңге, кишер, суган, кәбестә чөгендер, ташкабак, кабак), бал, сөт һәм ит продуктлары (сөт, эремчек, сыер, сарык ите), бөртекле ашлык (бодай, арпа, солы), йомырка тәкъдим иттеләр. Шулай ук сатуда катнашкан райпо, Биләр сельпосы, “Эдем” һәм сөт-консерв комбинаты сатып алучыларга колбаса һәм ипи-күмәч әйберләре, балык, яшелчә, сөт, шул исәптән коры сөт һәм май алып бардылар. Ә аграр колледж вәкилләре казанлылар һәм кунаклар өчен кайнар коймаклар белән чәй әзерләделәр. Шуның өстенә күңелне күтәрү өчен район һәм авыл мәдәният йортлары артистлары үзешчән сәнгать номерлары белән чыгыш ясадылар. Киләсе шимбәдә Казанда Алексеевск авыл товар җитештерүчеләре катнашында чираттагы авыл хуҗалыгы ярминкәсе булачак. 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Кәгазь
Матбугат хезмәте
Гражданнар мөрәҗәгатьләре
Телефон: 8(84341) 2-39-00
Факс: 8(843241) 2-39-01
E-Mail: Sovet.Aleks@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International