Алексеевск муниципаль районы

Өйрәтүләр уңышлы үтте

2014 елның 7 ноябре, җомга

104нче янгын часте начальнигы урынбасары, эчке эшләр майоры Леонид Карпов сүзләренчә, әлеге күнегүләр өчен махсус “сценарий” эшләнгән. Тактик уйлап чыгару шуннан гыйбарәт: ике җинаятьче сөт-консерв комбинаты директоры белән очрашырга дигән сәбәп белән административ бинага үтеп керәләр һәм “кабызгыч” белән керосин яки башка янучы сыеклык ыргыталар. Каравылчы төтен исен сизеп ала һәм, янгын турында хәбәр итеп, сирена кабыза. Сөт заводының күп кенә эшчеләре бинадан чыга, калганнары янгын сүндерүчеләр килгәнче үз көчләре белән янгынны сүндерергә керешә. Ә шул чакта ыгы-зыгыдан файдаланып, җинаятьчеләр сөт-консерв комбинатының ачык мәйданчыгы территориясендә торган аммиак сыешлыгын ача. Ул чыгып торудан газ тамчылары болыты хасил була.

Гадәттән тыш вакыйга урынына коткаручылар, янгын сүндерүчеләр, шул исәптән “Ялкын” һәм “Зур Полянка” аерым янгынга каршы постлары, Кыр Шунталысы ирекле янгын каравылы хезмәткәрләре генә түгел, ә бәлки тәртип саклаучылар, медицина хезмәткәрләре, газ хезмәте һәм электр челтәрләре хезмәтчәннәре дә килде. Утны сүндерү һәм аммиак болытын юк итү өчен янгын сүндерүчеләр су чаршавы ясадылар. Төгәл эш итү нәтиҗәсендә ут юк ителде, ә аммиак болыты су сиптереп таратылды.

БАРЛЫК ЯҢАЛЫКЛАРНЫ УКУ