“Яшьармиячеләр”гә ГТО куркыныч түгел

Слет кысаларында мәдәни-күңел ачу программаларыннан тыш, спортның төрле хәрби-кулланма төрләре буенча да ярышлар үтте. 

  Борыста тартылу буенча Биләр егетләре бик матур чыгыш ясады. Монда Антон Семенов абсолют җиңүче булды, ә Ришат Шакиров өченче урынны яулады. Антон шулай ук уналты килограммлы гер күтәрү буенча да икенче урынны алды. Дан орденнарының тулы кавалеры М.С.Шляпников исемендәге “Яшьармияче” хәрби-патриотик клубы җитәкчесе Андрей Чугуров хәбәр итүенчә, сәяхәтнең нәтиҗәсен уңай дип атарга була:

 – Без гомумкоманда ярышында җиңүгә ирешмәсәк тә, шәхси зачетта безнең нәтиҗәләребез яхшы. Бу спорт төрләре ГТО нормативларына кертелгәнлектән, хәрби-патриотик клуб катнашучылары аларны уңышлы тапшыра алачак дип ышанып әйтә алам.