Ярышларга 18 яшьтән өлкәнрәк хатын-кызлар да, шулай ук ир-атлар да чакырыла. Исемле гаризалар оештыру комитетына ярышлар көнне бирелә, ә катнашучыларны теркәү сәгать 9да башлана. Вәкилләр һәм тренерларның булуы мәҗбүри: бары тик алар гына баш судья коллегиясенә дәгъва белдерә алалар.
Исәпкә бер ир-ат һәм бер хатын-кызның иң яхшы нәтиҗәсе барачак. Беренчелектә җиңүчеләр грамоталар һәм призлар белән бүләкләнәчәк.