Язучыларның II съезды

Татарстан Республикасы Чуваш язучылар берлеге оешуга нәкъ бер ел узып китте, шуңа күрә аның вәкилләре, берлек  идарәсе әгъзасы Михаил Константинов әйткәнчә, башкарылган эшләргә йомгак ясау өчен бергә җыелганнар. Форум бик тәэсирле килеп чыккан, ул үзенә күп санлы иҗат кешеләрен җыйган. Бирегә Чуваш конгрессы рәисе, Чувашстан Республикасының мәдәният министры урынбасары Константин Яковлев рәислегендә Татарстанның барлык районнарыннан чуваш милли мәдәнияте автономияләре рәисләре, район башлыгы Владимир Козонков, социаль мәсьәләләр буенча аның урынбасары Николай Чурин, Сувар” газетасының баш мөхәррире һәм башка кунаклар килгән. Моннан тыш, бу юлы  форумда Татарстан мәктәпләренең барлык чуваш теле укытучылары катнашкан.