Алексеевск муниципаль районы

Дәүләт әләме көнен бәйрәм итүгә багышланган велосипедта ярышу

2014 елның 22 августы, җомга

Алексеевск бистәсе кешеләре арасында бәйрәмне шулай билгеләп үтү традициягә әйләнде. Җитмешкә якын сәламәт яшәү рәвешен яратучы, әләмнәр күтәреп, район үзәге урамнарыннан узды. Велоярышта катнашучыларны ДАИ машиналары озата барды, репродуктордан акциядә катнашучылар бәйрәм тарихы турында сөйләделәр. Бистә кешеләре әләм өчен сайлап алынган төсләрнең нинди мәгънәгә ия булулары турында берничә юрама яшәп килүе турында белделәр. Бер юрама буенча ак – вөҗданлылык, зәңгәр – намуслылык, кызыл кыюлык һәм киң күңеллелек, дигәнне аңлата. Икенче юрама буенча ак – азатлыкны, зәңгәр – Россиягә химая итүче изге Мәрьям ананы, кызыл хакимлекне символлаштыра. “Россия әләме – илебезнең җиңүе өчен горурлык символы ул. Әлеге әләм астында солдатларыбыз һәм офицерларыбыз батырлыклар эшли, спортчылар алтын медальләр ота. Аның астында мөһим документларга кул куела”, – дип фикерләре белән уртаклашты “Бердәм Россия” партиясенең җирле бүлекчәсе башкарма комитеты җитәкчесе Валентина Увакина. Акция бистә кешеләрендә кызыксыну тудырды, күпләр юлда велосипедчыларның шулкадәр күп булуына гаҗәпләнделәр.

БАРЛЫК ЯҢАЛЫКЛАРНЫ УКУ