Бәяләр үзгәрә

Инфраструктур үсеш буенча башкарма комитет җитәкчесе урынбасары Анатолий Абакумов хәбәр иткәнчә, 1 куб. метр газ бәясе 4 процентка артачак һәм элеккеге 4 сум 61 тиен урынына 4 сум 80 тиен булачак. Июльдән электр энергиясе өчен 3,8 процентка күбрәк түләргә туры киләчәк: район үзәге кешеләре өчен 1 кВт – 2 сум 99 тиен, авыл җирлекләре кешеләре өчен 2 сум 09 тиен булачак. Су да кыйммәтләнәчәк: 1 кубометр су бистә кешеләре өчен 24 сум 5 тиен, авыл кешеләре өчен 23 сум 57 тиен тәшкил итәчәк. Һәм, ниһаять, күп фатирлы өйләрдә яшәгән өчен түләү, тулаем алганда, 3,5 процентка артачак, каты көнкүреш калдыкларын чыгарып түккән өчен гаиләнең һәр әгъзасы 25 сум 50 тиен түләячәк.