Гимнастикада бөтен кешене узып киттек

Шәхси-команда ярышлары спортның 9 төре буенча үткәрелде: җиңел атлетика, йөзү, өстәл теннисы, ату, шахмат, дартс, катнаш эстафета һәм бөтен кеше өчен гимнастика.

– Көн бик матур, кояшлы, кәефебез дә әйбәт – күтәренке һәм хәтта бәйрәмчә иде.  Көндәшлек рухы безне бөтен спартакиада буена озата барды, – дип узган ярышлар турында үзенең тәэсирләре белән уртаклаша анда катнашучыларның берсе, пенсионерлар берлегенең район бүлекчәсе рәисе Валентина Горелова.  – Шәхси беренчелекләрдә җиңә һәм призлы урыннар яулый алмасак та, команда зачетында бөтен кеше өчен гимнастика буенча ярышларда иң яхшылар булдык.