Пилотсыз очкычлар һөҗүме куркынычы булганда нишләргә: Россия Гадәттән тыш хәлләр министрлыгыннан инструкция

Россия гадәттән тыш хәлләр министрлыгының Татарстан Республикасы буенча Баш идарәсендә пилотсыз очу аппаратларын(БПЛА) куллану куркынычы янаган очракта куркынычсызлык кагыйдәләрен искә төшерделәр.

Әгәр сез бинада булсагыз:

• Кичекмәстән аскы катларга, подвалга яки җир асты паркингына төшегез. Лифттан файдаланмагыз.
• Фатирга килеп кергәч, тәрәзәсез урынга күчегез, иң яхшысы терәк диварлар арасында (мәсәлән, ванна бүлмәсенә), идәнгә утырыгыз һәм тәрәзә уемнарыннан ераграк торыгыз.

Әгәр сез урамда булсагыз:

• Кичекмәстән якындагы капиталь бинада яки җир асты кичүендә ышыкланырга.
• Әгәр дә сез һавада ПОА күргәнсез икән, аның турыдан-туры күренүенә эләкмәскә тырышыгыз. Кичекмәстән үк качыгыз яки читкә китегез.
• Дрон белән янәшә рацияләр, мобиль телефоннар һәм GPS-җайланмалар куллану тыела-бу аның эшендә өзеклек яки детонация китереп чыгарырга мөмкин.

Әгәр сез ПОА ватыкларын тапсагыз:

• Аңа кагылмагыз, якын килмәгез һәм кисәкчекләрне яки шикле элементларны күчерергә тырышмагыз. Алар тормышыгыз өчен куркыныч булырга мөмкин.
• Куркынычсыз арадан фото яки видеофиксация ясагыз.
• Материалларны социаль челтәрләргә куймагыз. Аларны тарату дошманга ярдәм итә ала.
• Кичекмәстән табылдык турында 112 номеры буенча хәбәр итегез һәм фото/видеоны полиция хезмәткәрләренә тапшырыгыз.

Барысы өчен дә мөһим:

• Куркынычлар һәм башка гадәттән тыш хәлләр турында оператив хәбәрләр алу өчен «Россия гадәттән тыш хәлләр министрлыгы» ның рәсми мобиль кушымтасын урнаштырыгыз.