Фоат Вәлиев "Дуслык" ордены белән бүләкләнде

2026 елның 1 феврале, якшәмбе

Татарстан Республикасы Транспорт һәм юл хуҗалыгы министрлыгының йомгаклау коллегиясе кысаларында юл-транспорт тармагы хезмәткәрләренә дәүләт бүләкләре тапшыру тантанасы булды.

Алдынгы белгечләргә бүләкләрне Татарстан Республикасы Рәисе Рөстәм Миңнеханов һәм Россия Федерациясе Транспорт министры урынбасары Борис Ташимов тапшырды.

Алексеевск районы өчен аерым горурлык — «Дуслык» ордены белән «Алексеевскдорстрой» ААҖ директорлар советы рәисе Фоат Вәлиев бүләкләнде.
Югары дәүләт бүләге аның күпьеллык һөнәри хезмәтен һәм республиканың юл инфраструктурасын үстерүгә керткән зур өлешен тану булды.

Фоат Вәлиевне лаеклы бүләге белән котлыйбыз һәм киләчәктә дә район һәм Татарстан Республикасы хакына уңышлы хезмәт итүен телибез.