Метеокисәтү: 29 гыйнварда көчле кар, буран һәм бозлавык көтелә

Татарстан халкын катлаулы һава торышы көтә. Синоптиклар әйтүенчә, күк йөзе болытлы булачак, кар һәм юеш кар явуы көтелә, урыны белән көчле.

Кайбер районнарда буран һәм бозлавык барлыкка килү фаразлана. Җил көньяк-көнбатыштан секундына 7-12 метрга кадәр көчәячәк, ә тизлектә 15-18 метрга кадәр җитәргә мөмкин.

Температура режимы:

• Төнлә: -12..-16°C, территориянең көнбатышында иртәнгә -7 -11°C кадәр күтәреләчәк.
• Көндез: максималь температура -4..-8°C.

Мондый шартлар юллардагы хәлне  катлауландырачак. Автомобильчеләрне кар көртләре, бозлавык, ә урыны белән көчле бозлавык турында кисәтәләр. Руль артында аеруча сак булырга һәм юлдагы кыенлыкларга әзер булырга кирәк.

Автобуслар һәм йөк машиналары өчен хәрәкәт чикләүләре кертелде
Уңайсыз метеорологик шартлар – кар яву һәм күз күреме чикләнү сәбәпле-юл хәрәкәте куркынычсызлыгын тәэмин итү өчен түбәндәге юлларда автобуслар һәм йөк автомобильләре хәрәкәтен вакытлыча чикләү кертелде:

• "Казан-Оренбург" (79 нчы километрдан 249 нчы километрга кадәр участок);
• "Чистай-Түбән Кама";
• "Алексеевск-Әлмәт".

Барлык чикләүләр һава шартлары яхшырганчы гамәлдә булачак. Тиешле хезмәтләр күрсәтелгән транспорт категорияләре йөртүчеләренә бу трассаларга чыгудан тыелырга һәм алдан альтернатив маршрутларны планлаштырырга киңәш итә.

Бу көнне республика халкына ерак сәфәрләрдән баш тартырга, урамнарда игътибарлы булырга һәм эшләрне планлаштырганда фаразларны исәпкә алырга киңәш итәләр.