Татарстанда «Тукайны бергә укыйбыз» республика проекты старт алды
Татарстан Республикасы Мәдәният министрлыгы 8 гыйнвардан башлап «Тукайны бергәләп укыбыз. Читаем Тукая вместе» масштаблы республика проектына старт бирде. Акция бөек татар шагыйре Габдулла Тукайның тууына 140 ел тулуга багышланган. Проект кысаларында бөтен республика буенча китапханәләр базасында махсус әдәби клублар эшли башлады. Аларның атналык пәнҗешәмбе очрашулары Тукайның шигъри мирасын укуга һәм өйрәнүгә багышланачак. Катнашучылар аның татар һәм рус телләрендәге әсәрләре дөньясына чума алачак.
Әлеге проект Татарстанның мәдәни тормышында милли әдәби мирасны саклап калуга, популярлаштыруга һәм үстерүгә ярдәм итә торган мөһим вакыйга булырга тиеш.
📚Үзәк китапханә, шулай ук Алексеевск муниципаль районы китапханәләр системасы филиаллары Габдулла Тукайның «Туган тел» исемле легендар шигыреннән «Тукайны бергә укыйбыз» дигән атналык очрашулар циклын ачып җибәрделәр.
🔥 Җылы атмосферада катнашучылар:
✔️--татар телендә һәм русчага тәрҗемә ителгән шигырьне кычкырып укыдылар;
✔️- тәэсирләре белән уртаклаштылар;
✔️-Тукай әсәре юлларының тирәнлеге һәм матурлыгы турында фикер алыштылар.
Чарада «Слово» әдәби клубы әгъзалары – Бәдретдин Гыйльметдин улы Шәйхетдинов, Надежда Павловна Елизарова, Равия Мидхәт кызы Сафина, шулай ук китапханәнең башка мавыгучы укучылары катнашты.
💫 «Туган тел» нең төрле интонациядә ничек яңгыравын ишетү чын‑чынлап күңелне нечкәртте — һәр укучы әсәргә үзенекен кертте. Чара Б.Г. Шәйхетдиновның укучысы Илүсә Мостафина башкаруында һәркемнең яраткан «Туган тел» җырын башкару белән тәмамланды, ул күп балалы ана ролен актив иҗат эшчәнлеге белән уңышлы берләштерә.
Киләсе очрашу пәнҗешәмбе 15 гыйнварда булачак.