Игелекле эшләр өчен мәйданчык
Биләрнең «Юнармеец» яшүсмерләр клубында берьюлы ике мөһим вакыйга — клубка нигез салынуга 23 ел тулуга һәм махсус хәрби операциядә катнашучыларга ярдәм итүгә юнәлдерелгән яңа киңлек ачылуга багышланган ачык ишекләр көне узды.
Бу көнне кунакларны бай һәм илһамландыргыч программа көтә иде. Барлык теләүчеләр өчен клуб буенча экскурсия оештырылды, анда катнашучылар «Юнармия» хәрәкәте тарихы белән танышты, клубның күпкырлы эшчәнлеге һәм аның күпсанлы казанышлары турында белделәр. «Письмо солдату» акциясе аеруча күңелгә якын булды. Һәр кунак махсус бланкта җылы сүзләр һәм яклаучыларыбызга рәхмәт сүзләре калдыра алды.
Эшнең яңа юнәлеше «СВОих не бросаем!» проектка 248 760 сум бүлеп биргән Татарстан Республикасы Яшьләр эшләре министрлыгы ярдәме белән клубта тулы кыйммәтле эш урыны булдырылды. Биредә маскировка челтәрләрен үрү өчен станоклар урнаштырылган, җитештерү җиһазлары, индукцион плитәләр һәм парафин эретү өчен савыт — саба, шулай ук кирәкле чыгым материаллары-челтәр нигезеннән һәм парафиннан алып перчаткаларга кадәр.
Мәйданчыкны ачу тантанасы яшүсмерләр клубы директоры Андрей Чугуров, Биләр авыл җирлеге башлыгы Александр Рузанов һәм Алексеевск районының яшьләр һәм туризм бүлеге башлыгы Людмила Клюшкина катнашында узды. Мәртәбәле кунаклар бергәләп символик тасманы кисте, клуб эшенең яңа этабы башлануын билгеләп үттеләр.
Вакыйганың әһәмиятен шәрехләп, клуб директоры Андрей Чугуров: «Безнең өчен МХОда катнашучыларга ярдәм-бер тапкыр үткәрелә торган акция түгел, ә даими, системалы эш. Быел гына да безнең тәрбияләнүче һәм волонтерлар махсус хәрби операция зонасына 2000нән артык окоп шәме ясап җибәрде һәм 300 килограммнан артык гуманитар йөк җыйды. Хәзер яңа, заманча җиһаз барлыкка килү белән безнең мөһим эш шактый тизрәк һәм нәтиҗәлерәк барачак».
Бәйрәм концерт белән дәвам итте: яшь армиячеләр иҗади номерлар башкарды, гитара белән җырлар яңгырады. Залда үткән елларның чыгарылыш сыйныф укучылары җыелды, ә кунаклар клуб тарихы турында фильм карый алдылар.
Котлау сүзләре белән клуб җитәкчесе һәм кунаклар чыгыш ясады. 23 яшь тулу уңаеннан Андрей Чугуров Елдашовлар гаиләсенә балаларын бик яхшы тәрбияләгәне һәм клубка даими ярдәм иткәннәре өчен рәхмәт хаты тапшырды. Шулай ук «Яшь армияче»үсешенә зур өлеш керткән хезмәткәрләр дә истәлекле медаль алды.