Һәйкәлләрне үзгәртеп кору

Истәлекле дата – Бөек Ватан сугышында Җиңүнең 80 еллыгы алдыннан Алексеевск районында Совет халкының батырлыгына багышланган мемориалларны реставрацияләү һәм төзекләндерү эшләре тулы куәтенә бара.

Һәр авыл җирлегендә һәм Алексеевск поселогының үзендә эш кайный: һәйкәлләр яңартыла, территорияләр тәртипкә китерелә, 9 майга барлык объектлар халык алдында яңартылган хәлдә пәйда булсын өчен. 

Алексеевскидагы Җиңү паркында Бөек Ватан сугышында һәлак булган сугышчыларга һәйкәл реставрацияләүнең төп объектларының берсе булды. Белгечләр монументның өске катламын чистарттылар, хәзер сеңдерү үткәрәләр һәм герметизациялиләр, буяуга керештеләр. 

«Без һәйкәлнең беренчел күренешенә сакчыл карыйбыз, барлык эшләр дә тарихи күренешне максималь саклап алып барыла. Май башына монумент лаеклы күренер дип ышанам», - дип билгеләп үтте район башлыгы Сергей Демидов. 

Красный Баран авылында Бөек Ватан сугышында катнашучыларга яңа һәйкәл куелды. Ул кырыс һәм тантаналы композициядән гыйбарәт: анда Ватан өчен көрәшкән авыл кешеләренең исеме уеп язылган. Аларның күбесе сугыш кырларыннан әйләнеп кайтмаган, һәм хәзер аларның фамилияләре монда батырлык һәм фидакарьлек турында искә төшерү буларак мәңгегә теркәлгән. 

Һәйкәл махсус урында -   «Всех скорбящих Радость» иконасы хөрмәтендәге храм янында куелган, бу халык хәтерен генә түгел, ә ата-бабалар батырлыгы каршында рухи бердәмлекне дә символлаштыра.  Алга таба монумент тирәсендәге территория төзекләндереләчәк.

«ЭКОяз — 2025» экологик акциясе кысаларында бөтен район волонтерлары һәм җирле халык һәйкәл  һәм стелалар тирәсендәге территорияне төзекләндерүдә актив катнаша. 

«Без киртәләрне буибыз, чүп-чарны җыябыз, өслекне яңартабыз. Бу безгә тынычлык бүләк иткәннәрнең истәлеген саклауга керткән өлешебез», - ди акциядә катнашучыларның берсе. 

Моннан тыш, бер генә герой да онытылмасын өчен мемориаль тактадагы исемлек тикшерелә һәм яңартыла.