Сугышчан дан музеена Алексеевск районы сугышчыларыннан уникаль экспонат тапшырылды

Район башлыгы Сергей Демидов МХО зонасына чираттагы гуманитар сәфәреннән кайткач, Сугышчан дан музеена кыйммәтле экспонат бүләк итте. Артефакт Алексеевск районыннан мобилизацияләнгән сугышчылар тарафыннан эшләнгән һәм сошкаларга урнаштырылган янган АК-74 трофей автоматы рәвешендәге металл композициядән, шулай ук яссы платформага урнаштырылган төрле калибрлы атылган гильзалардан гыйбарәт. Корал сугышчан хәлдән чыгарылган һәм куркыныч тудырмый.

Сугышчан дан музее барлык теләүчеләрне яңа композицияне күрергә һәм МХО һәм башка хәрби операцияләр уздыру зонасында һәлак булганнарны искә алырга чакыра.