Район халкын диспансеризация узарга чакыралар

Хөрмәтле Алексеевск районы халкы. Сезне диспансеризация узарга чакырабыз. Моның өчен үзәк хастаханә поликлиникасының 1.7 Кабинетына мөрәҗәгать итәргә кирәк.

Алексеевск районында яшәүчеләрне диспансеризация узарга чакыралар.

Диспансерлаштыру-җитди авыруларны иртә диагностикалау мөмкинлеге, шул исәптән онкологик скрининг методларын уздыру.

Диспансерлаштыру кысаларында быел 45,50,55,60,64 яшь тулган ир-атлар, кан анализы тапшырып, простат специфик антигенның үз дәрәҗәсен белә алалар, ул простата бизенең яман шешен вакытында диагностикаларга ярдәм итә.

Хатын-кызлар сөт бизләре яман шешен булдырмау өчен маммографик тикшеренү узарга мөмкин, шулай ук быел 39,42,45,48,51,54,57 яшь тулганнар хатын-кыз җенес өлкәсендә яман шеш куркынычын иртә ачыклау өчен сыеклык цитологиясе методы белән мазк нәтиҗәсен белергә мөмкин.

Тизәкнең яшерен канга анализы мөһим тикшеренү булып тора. Ул эчәклек яман шешен кешене берни дә борчымый торган этапта ук ачыкларга ярдәм итә. Бу анализ бик сизгер, онкология диспансеры базасында заманча җиһазлар белән үткәрелә һәм нәтиҗәдә хәтта зур булмаган тайпылышларны да ачыкларга мөмкинлек бирә.

Тикшеренүләр күләме яшь, төрле авырулар килеп чыгу куркынычы белән билгеләнә.

Үзәк район хастаханәсенә мөрәҗәгать иткәндә сезгә диспансеризация узу өчен маршрут кәгазе биреләчәк һәм тикшеренүләр узу тәртибе аңлатылачак.

Сәламәтлегегезне саклагыз. Исегездә тотыгыз, сез якыннарыгызга кирәк. Вакытында диспансеризация узыгыз!