Ветераннар Ленинградны тулысынча азат итүнең 80 еллыгына түләү алды

Россия Президенты Указына ярашлы рәвештә, Татарстан буенча социаль фонд бүлеге «Ленинградны саклаган өчен» медале яки «Блокадалы Ленинградта яшәүче»билгесе белән бүләкләнгән ветераннарга бер тапкыр бирелә торган 50 мең сум күләмендә түләү башкарды.

«Татарстанда Ленинградны фашист блокадасыннан тулысынча азат итүнең 80 еллыгына юбилей түләүен 95 ветеран алды. Аларның күпчелегенә түләү «Блокадалы Ленинградта яшәүчегә» билгесе өчен билгеләнгән, кайбер алучылар «Ленинградны саклаган өчен»медале бар. Истәлекле дата 27 гыйнварда билгеләп үтелсә дә, ветераннарга акчалар Яңа ел бәйрәмнәренә кадәр күчерелде», – дип билгеләп үтте Татарстан буенча социаль фонд бүлеге идарәчесе Эдуард Вафин.

Беренчедән, акчалар банклар аша күчерелде. Почта бүлекчәләре аша җиткерү декабрь ахырына кадәр дәвам итте. Акча декабрь өчен пенсия белән бергә күчерелде, нәтиҗәдә барлык ветераннар юбилей түләүләрен алды.

Россиянең социаль фонды юбилей түләүләрен Россия, Абхазия, Көньяк Осетия, Приднестровье һәм Балтыйк буе илләрендә яшәүче 56 мең ветеранга җибәрде.

Исегезгә төшерәбез, Төньяк башкала блокадасы 872 көн дәвам иткән, 1941 елның 8 сентябреннән 1944 елның 27 гыйнварына кадәр, һәм Икенче бөтендөнья сугышы вакытында нацист Германиясенең иң куркыныч җинаятьләренең берсе булды. Блокада вакытында, төрле мәгълүматлар буенча, 600 меңнән 1,5 миллионга кадәр шәһәр кешесе һәлак булган.