Алексеевскилылар бәладә ташламаячак!

Район администрациясе трассаны ябу сәбәпле тыгылышта торган шоферларга кайнар ризык таратуны оештырды.

Район башлыгы Сергей Демидов үзе зур йөк машиналары шоферларын яклап, урынга чыкты:  «Хәл катлаулы, моңарчы күрелмәгән һава шартлары, без кулыбыздан килгәннең барысын да эшлибез. Кешеләрне ташламабыз.

Совет һәм Башкарма комитет хезмәткәрләре гадәттән тыш хәлләр министрлыгы һәм ЮХИДИ хезмәтләре белән берлектә 300 порциягә якын азык-төлек һәм су тараттылар (һәм таратуны дәвам итәләр), шулай ук ашыгыч хезмәтләр элемтәләрен һәр йөртүчегә шәхсән хәбәр иттеләр.

Барыбызга да сабырлык! Бергә җиңеп чыгарбыз!

Дуслар, юлга чыкмагыз! Кар күп яуганнан тыш, бозлы яңгыр да башланды. Үзегезне саклагыз!