Газ көнкүрештә -уяу булыгыз!

Хәзерге дөньяда табигый газ көндәлек тормышның алыштыргысыз өлешенә әверелде. Ул өйләрдә җылылык, уңайлылык бирә, әмма бу очракта куркыныч чыганагы булуын онытмаска кирәк.

«Зәңгәр ягулык» белән бәйле күпчелек фаҗигаләр кулланучыларның көнкүрештә газны куркынычсыз куллану кагыйдәләрен бозулары белән бәйле. Шуңа бәйле рәвештә, түбәндәге гади һәм элементар кагыйдәләрне үтәү кешеләрнең тормышын, сәламәтлеген һәм иминлеген саклап калырга мөмкинлек бирәчәк.

Көнкүрештә газ куллану кагыйдәләре

• Газ приборларын кулланганчы, бүлмәне җилләтегез һәм һава агымын тәэмин итегез. Газ приборлары эшләгәндә форточканы ачык калдырыгыз.
• Газ приборларының, төтен чыгару һәм вентиляциянең нормаль эшен күзәтегез, газ приборлары кабызылганчы һәм яну продуктларын төтен чыгару юлына киткәндә тартуны тикшерегез. Тарту булмаса газ приборын куллану катгый тыела!
• Газ җиһазлары төзек булмаган очракта, газ җиһазларына техник хезмәт күрсәтү турында килешү төзелгән махсус оешма хезмәткәрләрен чакырыгыз.
• Бүлмәләрне җылыту, киптерү һәм башкалар өчен газ мичен кулланмагыз.
• Мәктәпкәчә яшьтәге балаларга газ приборларын кулланырга рөхсәт итмәгез.
• Эшләүче газ җиһазларын караучысыз калдырмагыз.
• Күпфатирлы торак йортларда төтен чыгару һәм вентиляция каналларын тикшерү белән идарәче оешмалар шөгыльләнергә тиеш булганга күрә, әлеге җиһазларны тикшерү өчен махсус оешмаларга керү мөмкинлеген бирегез.
• Газ җиһазларыннан төтен чыгару торбаларын вентиляция каналларына тоташтырмагыз.

Моннан тыш, шуны белү мөһим: йорт эчендәге газ җиһазларына вакытында техник хезмәт күрсәтү сәламәтлекне, милекне югалту белән генә түгел, ә тормышны югалту белән бәйле инцидентлар санын киметергә сәләтле!

Әгәр дә сез газ исен сизсәгез:

Газ приборларын куллануны кичекмәстән туктатыгыз
Краннарны приборларда һәм аларга газ үткәргечләрдә ябыгыз
Бүлмәне җилләтү өчен тәрәзәләрне һәм форточкаларны ачыгыз
Электр приборларын (яктырту, стационар һәм мобиль телефоннар, электр шалтыратулары һ. б.) кабызмагыз һәм сүндермәгез һәм тәмәке тартмагыз
Барыгызны да фатирдан чыгарыгыз һәм үзегез дә чыгыгыз.
Авария газ хезмәтенә 04, 104 (мобиль телефоннан) яки ашыгыч хезмәтләрнең бердәм чакыру номеры – 112 буенча газсыз урыннан хәбәр итегез һәм авария газ хезмәте диспетчеры күрсәтмәләрен үтәгез.

«Газпром трансгаз Казан» ҖЧҖ һавада янучан газлар һәм сөрем газы дәрәҗәсен контрольдә тоту өчен газлылыкны контрольләү системасын (сигнализатор) урнаштырырга киңәш итә. Игътибар итегез, прибор ябылу клапаны белән җиһазландырылган. Газ чыккан очракта яки яну продуктлары концентрациясе арткан очракта, тавыш сигналы яңгыраячак, ә клапан газны ябачак. Сигнализаторның паспорты һәм сертификаты булырга тиеш, аны әлеге төр эшләргә рөхсәт ителгән оешмалар урнаштыра ала. Газ җиһазларын куллану кагыйдәләрен үтәү-иминлек, үз тормышыгызны һәм якыннарыгызның тормышын саклау өчен гарантия!