Кырык ел балалар елмаюы

Гомер буе үзләрен яраткан һөнәрләренә багышлаган һәм билгеле бер яшь чиген үтеп, лаеклы ялга китә алган кешеләр бәхетле.

Юеш Көрнәле балалар бакчасында 40 елга якын эшләгәннән соң, Данилова Надежда Михайловна лаеклы ялга китә.

Чистай педагогия училищесын тәмамлаганнан соң Надежда Михайловна Юеш Көрнәле балалар бакчасына тәрбияче итеп җибәрелә. Ул үзенең бөтен аңлы тормышын мәктәпкәчә яшьтәге балаларга бирә.

Профессионал һәм үз эшенең остасы, ул гади, игелекле һәм кешеләр өчен ачык хатын-кыз һәр балага үз җанының бер өлешен һәм ана кайгыртучанлыгынын салган. Надежда Михайловна- ачык җанлы бик якты кеше. Аны балаларга карата чиксез мәхәббәт аерып тора. Ул хәзер дә үзенең барлык тәрбияләнүчеләрен исемнәре белән хәтерли. Аның төркеменә беренче тәрбияләнүчеләренең оныклары килә.

Тәрбиячеләр аңа зур хөрмәт белән карыйлар. Күпләр өчен ул остаз.

Бу-иң игелекле кеше, аның белән аралашу бик җиңел һәм күңелле. Һәрбер сөйләшүне: «Сәлам. Хәлләр ничек?» сүзләре белән башлый. Бу дежур фраза түгел, ә һәр якын һәм таныш кеше турында кызыксыну һәм  кайгырту. Һәрвакыт игътибар белән тыңлый, дәртләндерә, киңәш бирә, эш белән дә, киңәш белән дә ярдәм итә.

Ул олымы, баламы, тирә-юньдәге барлык кешеләргә хөрмәт белән карый. Аны тупас итеп күз алдына китерү авыр, ул һәрвакыт елмая һәм аралашкан кешеләргә яхшы кәеф тудыра.

Югары профессионализм, новаторлык һәм педагогик осталык өчен Надежда Михайловна берничә тапкыр Алексеевск муниципаль районы хакимият башлыгы, мәгариф бүлеге грамоталары белән бүләкләнә.

19 октябрьдә Надежда Михайловна үзенең чираттагы туган көнен билгеләп үтте.Юеш Көрнәле  урта гомуми белем бирү мәктәбе һәм балалар бакчасы коллективы Надежда Михайловнаны барлык рәхмәтле йөрәкләрдән котлый!

«Көч, сәламәтлек, муллык, шатлык телибез! Яхшылыкның барысы да артсын, ә начарлыкның барысы да үткәндә калсын. Хезмәттәшләрегезне онытмагыз, авыр минутларда ярдәмгә килегез, матур формада булыгыз!»