Зур Полянкада яңа ФАП һәм Алексеевск районы кулланучылар җәмгыятенең халыкка комплекслы хезмәт күрсәтү пункты ачылды
Зур Полянкада яңа ФАП һәм Алексеевск районы кулланучылар җәмгыятенең халыкка комплекслы хезмәт күрсәтү пункты ачылды
Яңа кибет һәм ФАП "Беренчел медицина-санитар ярдәм күрсәтү системасын үстерү" төбәк проекты һәм ТР муниципаль берәмлекләренең торак пунктларына комплекслы хезмәт күрсәтүнең блок-модульле пунктлары программасы ярдәмендә барлыкка килде.
Район башлыгы Сергей Демидов авыл халкын яңа объектлар белән котлады һәм республика Рәисенә рәхмәт сүзләрен җиткерде.
"Республикабыз Рәисенә зур рәхмәт әйтәсем килә, авыр вакытларга карамастан, авылда программалар эшләвен дәвам итә. Мондый объектлар бөтен торак пунктның тормыш эшчәнлегенә йогынты ясый.Кибет киштәләренең безнең продукциядән сыгылып торуын, ә ФАПка җирле халык кан басымны үлчәү һәм аралашу өчен генә килүен телим", - диде район башлыгы.
Сыйфатлы һәм намуслы хезмәте өчен Сергей Демидов Алексеевск РКҖ рәисе Илнур Хәйбуллинга һәм ФАП фельдшеры Марина Плотниковага Мактау грамоталары тапшырды. Шулай ук аңа фельдшер-акушерлык пункты өчен җиһазлар сатып алу өчен 30 000 сумлык сертификат тапшырылды.
"Республика программалары ярдәмендә авылда тормыш үсә, яңа объектлар төзелә. Алексеевск районында бу инде алтынчы шундый кибет, алар барысы да ихтыяҗлы, аларда җирле продукция күп сатыла. Шуны да билгеләп үтәргә кирәк,сезнең район кулланучылар кооперациясе лидерларының берсе, биредә булган база саклана һәм үсеш ала, яңа чаралар инвестицияләнә һәм эш урыннары булдырыла", - дип билгеләп үтте Татарстан Республикасы премьер-министры урынбасары Марат Җәббаров.
ТР сәламәтлек саклау министрының беренче урынбасары Альмир Абашев билгеләп үткәнчә, хәзер авылда яңа бина, җиһазлар һәм кораллар ярдәмендә медицина ярдәме күрсәтү сыйфаты сизелерлек яхшырачак. Монда авыруларны профилактикалау һәм гади авыруларны дәвалау мөмкин булачак.
Чыганак: РГ Заря