Ана капиталын айлык түләүгә ничек юнәлтергә

Ана (гаилә) капиталы (ГАК) акчалары, әгәр гаиләнең җан башына уртача кереме әйләнеш вакытында төбәктә билгеләнгән яшәү минимумының ике тапкыр зурлыгыннан артмаса, айлык түләү алуга юнәлтелергә мөмкин.

Түләү ана капиталы сертификаты белән идарә итү турында гариза нигезендә бирелә һәм балага 3 яшь тулганчы башкарыла. Гаиләдә 3 яшькә кадәрге берничә бала булганда, һәр балага айлык түләү билгеләнә ала.

2023 елның 1 гыйнварыннан айлык түләү гариза бирелгән көнгә гаилә яшәгән төбәктә билгеләнгән балалар өчен яшәү минимумы күләмендә башкарыла.

Бала туу (тәрбиягә алу) белән бәйле айлык түләү алу өчен ана (гаилә) капиталы акчаларын куллану турында гаризаны  бала туганнан соң 3 яшькә кадәр ,өч ел дәвамында теләсә кайсы вакытта бирергә мөмкин. Әгәр айлык түләү турында гариза бала туган айдан (туган, уллыкка алынган) өч айдан да соңга калмыйча бирелгән булса, айлык түләү бала туган айдан (туган, тәрбиягә алынган) башкарыла. Калган очракларда айлык түләү билгеләнү өчен мөрәҗәгать ителгән айдан башкарыла.

Айлык түләүне билгеләү кире кагылырга мөмкин:

• әгәр өстәмә дәүләт ярдәме чараларына хокук туктатылган булса;
• әгәр ана һәм бала Россия Федерациясе гражданнары булмаса;
• гаиләнең гомуми кереме РФ субъектында җан башына яшәү минимумының ике тапкырдан артыграк булса;
• әгәр 418 –ФЗ номерлы Федераль закон буенча 1 һәм 2 балага айлык түләү билгеләү факты ачыкланса;
• әгәр РФ субъекты законнары нигезендә 3 балага яки аннан соңгы балага айлык түләү билгеләү факты ачыкланса.

Айлык түләү 12 айга билгеләнә, әмма бала 3 яшькә җиткәнче генә. Түләүне алу өчен кабат гариза агымдагы билгеләнгән чорның соңгы аенда бирелергә мөмкин.

Айлык түләү туктатыла, әгәр:

• балага 3 яшь тулса;
• бала яки гариза бирүче үлсә яки үлгән/хәбәрсез югалган дип танылса;
• ана капиталы акчалары тулысынча сарыф ителгән булса;
• гариза бирүчене ана хокукыннан мәхрүм итсәләр яки ана капиталына сертификат рәсмиләштерелгән балага карата хокукларын чикләсәләр;
• гариза бирүченең баланы бала тудыру йортында яки башка медицина оешмасында баланы калдырганы яки бала уллыкка алынганы билгеле булса;
• түләүне билгеләгәндә гариза бирүче тулы булмаган яки дөрес булмаган мәгълүматны үз эченә алган документлар (мәгълүматлар) бирүе билгеле булса.

Сертификат иясе РСФ территориаль органына ай дәвамында теләсә нинди саналган  хәлнең килеп чыгуы турында хәбәр итәргә тиеш.

Гариза бирүче айлык түләүдән баш тарта ала. Моның өчен РСФ территориаль органына, КФҮ тә, яки дәүләт хезмәтләре порталы аша тиешле гариза бирергә кирәк.

Айлык түләү күләме төбәккә бәйле ул Россия Федерациясе субъектында күрсәтелгән түләүне билгеләү турында гариза бирелгән көнгә билгеләнгән балалар өчен яшәү минимумына тигез.

2021 елдан социаль фонд гариза бирүче һәм аның гаилә әгъзаларының керемнәре турында мәгълүматны үзе җыя.

Айлык түләү кемгә тиеш?

Айлык акчалата түләүне алу хокукына РФ территориясендә даими яшәүче гаиләләр түбәндәге шартларда ия:

• гариза бирүче -ана капиталына дәүләт сертификаты алучы Россия Федерациясе гражданы;
• бала- (туган яки уллыкка алынган) Россия Федерациясе гражданы;
• гаиләнең җан башына уртача кереме гаилә яшәгән төбәктә билгеләнгән җан башына яшәү минимумының ике тапкыр зурлыгыннан артмый.

Акча нинди срокларда күчереләчәк?

Гариза канәгатьләндерелгән очракта, акчаларны күчерү Россия Федерациясе Социаль фондының территориаль органы тарафыннан гаризада күрсәтелгән кредит оешмасы аша уңай карар кабул ителгән көннән алып 5 эш көне эчендә башкарыла.

Алдагы түләүләр ай саен, ай саен түләнә торган айдан соң айның 1-25 нче көннәрендә башкарыла.