Татарстанның социаль фонды һәм «Ватанны саклаучылар» дәүләт фонды филиалы хезмәттәшлек турында килешүгә кул куйдылар

Татарстан Республикасы буенча РСФ бүлекчәсе идарәчесе Эдуард Вафин һәм «Ватанны саклаучылар» махсус хәрби операциясендә катнашучыларга ярдәм итү дәүләт фонды филиалы җитәкчесе Гүзәл Удачина хезмәттәшлек турында килешүгә кул куйдылар.

Документ фондлар арасында мәгълүмат алмашуны һәм МХО ветераннарына ярдәм итү турында законнарны камилләштерү буенча тәкъдимнәр әзерләү өчен эшче төркемнәр булдыруны күздә тота. Моннан тыш, фондлар дәүләт түләүләре һәм ташламалар турында уртак аңлату эше алып барачак.

«Безнең уртак эшебез — МХО зонасыннан өйләренә кайтучы кешеләргә ярдәм итү, аларга һәм аларның гаиләләренә шәхси ярдәм күрсәтү һәм килеп туган мәсьәләләрне хәл итүдә һәрьяклап ярдәм итү. Хәзер бу безнең өчен өстенлекле бурычларның берсе», - дип ассызыклады Эдуард Вафин.

«Ватанны саклаучылар» дәүләт фонды филиалы җитәкчесе Гүзәл Удачина сөйләгәнчә, фонд төзелгән вакыттан алып МХО ветераннары белән актив эшли - аларга документлар алуда, ветеран яки хәрби хәрәкәтләр инвалиды таныклыгын рәсмиләштерүдә ярдәм итә, медицина тернәкләндерүенә, психологик ярдәм алуга ярдәм итә.

«Татарстан Социаль фонды белән хезмәттәшлек бу процессны тизләтергә мөмкинлек бирәчәк, шуңа күрә ветераннар оператив рәвештә түләүләр һәм барлык тиешле ярдәм чараларын, шул исәптән «Ватанны саклаучылар» фонды сферасы җаваплылыгында булганнарын да ала алачак», - диде Гүзәл Удачина.