Олег Морозов Россия Федерациясе Хөкүмәтенең югары бүләгенә лаек булды

Олег Морозов Россия Федерациясе Хөкүмәтенең югары бүләгенә лаек булды

Россия Премьер-министры Михаил Мишустин Татарстан Республикасы депутаты Олег Морозовка хөкүмәтнең югары бүләген – I дәрәҗә П.А. Столыпин медален тапшырды. Бүләкләү тантанасы Россия Федерациясе Хөкүмәте Йортында узды

Бүләк Олег Морозовка илнең социаль-икътисади үсешенең стратегик бурычларын хәл итүгә юнәлдерелгән закон чыгару эшчәнлегендәге хезмәтләре өчен бирелә.
Олег Морозов Дәүләт Думасында контроль комитетын җитәкли, аның төп бурычларының берсе – Россия Федерациясе Хөкүмәте, шулай ук дәүләт аудитының югары органы-Россия Федерациясе Хисап палатасы белән нәтиҗәле хезмәттәшлекне оештыру. Үз вәкаләтләре кысаларында Комитет Россия Федерациясе Хөкүмәте Рәисен, аның урынбасарларын һәм федераль министрларны раслау мәсьәләләре буенча Дәүләт Думасы карарлары процедураларын һәм проектларын әзерләү өчен җаваплы; Дәүләт Думасы тарафыннан парламент контроле мәсьәләләре буенча карарлар проектларын карауга әзерләү; «Хөкүмәт сәгатьләрен» оештыру һәм үткәрү, шулай ук парламент эшчәнлегенең ачыклыгын һәм үтә күренмәлелеген тәэмин итү.
I дәрәҗә П.А. Столыпин медале югары хөкүмәт бүләге. Россия Федерациясе Хөкүмәтенең 2008 елның 26 маендагы 388 номерлы«О медали Столыпина П.А.» карары белән булдырылган. Аны илнең социаль-икътисади үсешенең стратегик бурычларын хәл итүдә, шул исәптән Россия Федерациясе Хөкүмәтенең озак вакытлы проектларын гамәлгә ашыруда күрсәткән хезмәтләре өчен тапшыралар.
Элегрәк аңа Татарстан Республикасының Беренче Президенты Минтимер Шәймиев, Федерация Советы башлыгы Валентина Матвиенко, Россия Тышкы эшләр министры Сергей Лавров, Мәскәү мэры Сергей Собянин һәм башка күренекле дәүләт эшлеклеләре лаек булган иде.

Чыганак: https://tatarstan.er.ru/activity/news/oleg-morozov-ud..