Яр буе өчен тавыш бир!
Татарстанлылар республикада нинди ишегаллары һәм парклар барлыкка киләчәген сайлый ала
15 апрельдән 31 майга кадәр Татарстан Республикасы халкы төзекләндерү объектлары өчен тавыш бирә алачак: киләсе елда республикада барлыкка килергә мөмкин булган паркларны һәм скверларны, яр буйларын һәм ишегалларын сайлый алачак. Шулай ук тавыш бирүдә катнашучыларның шәһәрдә этнең урыны бармы-юкмы икәнлеге турында фикер уртаклашу мөмкинлеге бар
Республиканың барлык 45 районында да төзекләндерү өчен урын сайларга мөмкин. gorodsreda.tatar.ru порталында яисә «Госуслуги РТ»порталында һәм кушымтасында җәмәгать киңлекләре өчен тавыш бирергә мөмкин . Республиканың 14 яшьтән өлкәнрәк барлык халкы катнаша ала.
Быел объектлар исемлегенә 267 җәмәгать киңлеге кертелгән. Исемлеккә алынган территорияләрнең һәрберсе берничә критерийның берсенә туры килә:
- су янындагы киңлекләр - бу пляжлар, яр буйлары. Һәр районда су янында ял итү өчен урыннар кирәк. Әйтик, быел Чаллы халкы Фикрәт Табиев исемендәге яр буен төзекләндерүне дәвам итү өчен тавыш бирә ала.
-яшьләр өчен территорияләр -экстрим-киңлекләр, актив уеннар һәм яшьләр өчен ял итү урыннары. Мондый мәйданчыклар Татарстанның кече шәһәрләреннән яшьләрнең китүен киметергә сәләтле, чөнки үз потенциалын тормышка ашыру өчен урыннар барлыкка киләчәк.
Наилә Зиннәтуллина, Татарстан шәһәрләрен үстерү институты директоры:
«2023 елда безнең өстенлегебез – яшьләр өчен инфраструктураны үстереп, кече шәһәрләрне һәм торак пунктларны җанландыру. Безнең алда 45 муниципалитетта да уңайлы экстрим – тирәлекне тәэмин итү максаты тора. Хәзер экстремаль киңлекләр 29 районда бар, әмма без дәүләт программалары кысаларында экстремаль спорт төрләре белән шөгыльләнү өчен урыннарны системалы рәвештә булдыру эшен дәвам итәчәкбез һәм 2023 елда республиканың 13 районында төрле масштабтагы мәйданчыклар планлаштырыла».
-инде башланган, тәмамлануга мохтаҗ объектлар -мәсәлән,Казандагы Серов исемендәге бульвар. Быел территориядә I чират кысаларында беренче эшләр башлана – парковканы үзгәртеп кору, ял итү урыннары булдыру.
Бу Комплекслы проект, аның II чиратында реабилитация өчен урыннар, балалар өчен сенсор җиһазлары һәм башка бик күп нәрсәләр бар. Нәкъ менә быелгы тавыш бирү нәтиҗәләре 2024 елда бульвар территориясендә уңайлылык таләпләре югары булган кешеләр өчен киңлек барлыкка килерме, ә Казанда тагын бер уникаль парк барлыкка килерме икәнлегенә йогынты ясаячак.
- бөтенроссия кече шәһәрләр конкурсында җиңүчеләр-шәһәр проблемаларын хәл итәргә, социаль үзгәрешләрне стимуллаштырырга ярдәм итүче комплекслы проектлар. Мәсәлән, 2023 елда Яшел Үзәндә ,узган елгы кече шәһәрләр һәм тарихи җирлекләр бөтенроссия конкурсында җиңүче «Алтынов исемендәге сквер»ның I һәм II чиратын төзекләндерү старт ала. Бу проект шәһәрнең иске һәм яңа өлешен тоташтырачак, урманны шәхси төзелешләрдән коткарачак һәм Мирный микрорайонында Яшел каркасны саклаячак. Быел халык төзекләндерүнең III чиратын дәвам итү өчен тавыш бирә ала.
Татарстан шәһәрләрен үстерү институты командасы 2022 елда тавыш бирүдә «Үз вариантың» графасындагы җавапларны җентекләп өйрәнде. Иң яхшы сораулар быел тавыш бирүдә җәмәгать киңлекләрен сайлау объектлары исемлегенә кертелде. Мәсәлән, быел Казанда Идел буе киңлекләре паркын төзекләндерүне сайларга мөмкин, чөнки 2022 елда 2 меңгә якын казанлы аны «Үз вариантың»графасына керткән.
Парклар өчен тавыш бирүдән тыш, халык 200 ишек алдын билгели алачак, алар 2024 елда ТР Рәисенең «Безнең ишегалды»программасы буенча өстенлекле тәртиптә яңартылачак. Халыкның активлыгына яңа уңайлы һәм куркынычсыз ишегалларын төзү вакыты бәйле булып тора. Исегезгә төшерәбез, парклар һәм ишегаллары бердәм шәһәр челтәрен формалаштыру өчен бергәләп гамәлгә ашырыла.
Быел Татарстанда хайваннарга карата җаваплы мөнәсәбәт культурасын үстерү программасы эшли башлый. Тавыш бирү кысаларында халык сораштыруын уза алалар һәм шәһәрдә дүрт аяклы дуслары белән күршелек турында үз хисләре һәм фикерләре белән уртаклаша алалар. Сораштыруда катнашу-инфраструктура үсешенә һәм караучысыз хайваннар белән хәлнең үзгәрүенә йогынты ясау ысулы. Сораштыру нәтиҗәләре буенча Татарстан шәһәрләрен үстерү институты командасы этләр һәм аларның хуҗалары өчен дә, йорт хайваннары булмаган кешеләр өчен дә куркынычсыз һәм уңайлы мохит булдыру өчен конкрет карарлар кабул итәчәк.
Быел Татарстанның 2 паркында: Казанда һәм Яшел Үзәндә этләр өчен мәйданчыклар барлыкка киләчәк, шулай ук Чаллыда дрессировкалар һәм уеннар өчен берләштерелгән функционалның беренче мәйданчыгы ачылачак.
Яңа төзекләндерү объектлары өчен тавыш бирү Россия Президенты инициативасы белән «Торак һәм шәһәр мохите»милли проекты буенча гамәлгә ашырыла. Узган ел тавыш бирүдә 207 мең кеше катнашты.
«Безнең ишегалды» программасы социаль челтәрләре:
https://vk.com/dvor.tatar
https://t.me/dvor_tatar
https://dvor.tatar
ТР Иҗтимагый киңлекләрне үстерү программасы социаль челтәрләре:
t.me/park_tatar
vk.com/park.tatar
ok.ru/group/61613970882650
Сайт: парк.tatar
Элемтә өчен контактлар:
pr@isntitute.tatar
Татарстан Республикасының иҗтимагый киңлекләрне үстерү программасы 2015 елда старт алды. Шул вакытта республиканың барлык районнарында паркларны һәм скверларны төзекләндерү буенча масштаблы эш башланды: эре шәһәрләрдән башлап, кечкенә авылларга һәм зур авылларга кадәр. 2023 елга программа буенча 367 объект гамәлгә ашырылган- бирегә яңартылган территорияләр дә, бөтенләй яңа парклар һәм бульварлар да керә.
2019 елда Татарстан ишегалларын төзекләндерү буенча масштаблы программаны Татарстан Рәисе Рөстәм Миңнеханов башлап җибәрде. Программа эшләгәндә
Татарстанда 7000гә якын ишегалды төзекләндереләчәк — бу 2014 елга кадәр төзелгән республиканың барлык күпфатирлы йортларының йорт яны территорияләре, анда асфальт начар яки канәгатьләнерлек хәлдә булган һәм элек республикада гамәлгә ашырыла торган юл япмаларын ремонтлауның башка программалары буенча яңартылмаган.