Татарстанда татар телендәге язулардагы һәм элмә такталардагы хаталарны ачыклау буенча конкурс башланды

Татарстанда татар телендәге язулардагы һәм элмә такталардагы хаталарны ачыклау буенча конкурс башланды

Конкурста республика халкы 1 апрельдән 1 ноябрьгә кадәр катнаша ала. Моны ничек эшләргә?

1️⃣ татар телендәге исемнәрдә һәм язуларда, мәгълүмат такталарында, топографик билгеләрдә, юл күрсәткечләрендә һәм торак йортларның аншлагларында  хата табарга;
2️⃣ ⃣ тулысынча керерлек итеп  хатаны фотога төшерергә (аның нинди оешмага караганын күрер өчен);
3️⃣ урынның төгәл адресын күрсәтергә һәм фотоны ТР ГИС «Халык контроле» сервисы аша җибәрергә, «Исемнәрдә һәм язуларда хаталар»категориясен сайларга. Мобиль кушымта iOS һәм Android ' та да бар.

Конкурс мөрәҗәгатен язма рәвештә дә бирергә мөмкин:
🔴Конкурсны оештыручыга – Татарстан Республикасында Кеше хокуклары буенча вәкаләтле вәкилгә электрон адрес буенча: Konkurs.TatOmbudsman@tatar.ru яки адресы: ТР, 420015, Казан, Карл Маркс урамы, 61, 3 нче кат;
 🔴Конкурс модераторына-Татарстан Республикасы Фәннәр Академиясенең Г. Ибраһимов исемендәге Тел, әдәбият һәм сәнгать институты  электрон адресына: iyali.anrt@mail.ru яки адресы: 420111, Казан, Карл Маркс урамы, 12.

Җиңүчеләрне берничә номинациядә билгеләячәкләр, ә 2023 елның дүртенче кварталында бүләкләү тантанасы узачак.