Угахиннарның зур гаиләсе
Биләрдә күп балалы гаиләдә җиденче бала дөньяга килде.
ЗАГС бүлегендә сирәк очрый торган Всеволод исемле бала тууы теркәлде. Батыр 3800 грамм авырлыкта һәм 57 см озынлыкта туган! Туу турында таныклык күп балалы әти -Николай Петровичка тапшырылды.
Угахиннар гаиләсе Биләрдә яши, хатыны Виктория белән бергә Николай гаилә фермасын тота: аларның 11 савым сыеры, бозаулары, кошлары бар. Балалары укый, кызлар бию мәктәбенә йөри, малайлар «Юнармеец» хәрби-патриотик клубына йөри, әти-әниләренә дә хуҗалыкта ярдәм итәргә өлгерәләр. Олы кызлары хәзер Казанда укый.
«Без Угахиннарның искиткеч, тату гаиләсен Николай Петрович һәм Виктория Александровнаны уллары тууы белән котлыйбыз! Балага нык сәламәтлек, искиткеч аппетит һәм тыныч йокылар телибез. Ул сезнең тормышыгызга яктылык алып килсен һәм аны шатлык һәм мәхәббәт белән тутырсын», - ди ЗАГС хезмәткәре Алсу Кәбирова.
«Всеволод» исеме борынгы славян теленнән тәрҗемә иткәндә «бөтен хакимлек итүче» яки «барысын да белүче»дигәнне аңлата.