Аграрийлар кырга чыгарга әзерләнә

Алексеевск районы Башлыгы язгы кыр эшләре башланыр алдыннан механизаторлар белән очрашты.

Районда 2023 елның язгы кыр эшләрен үткәрүгә әзерлек буенча семинар-киңәшмә узды.

Авыл хуҗалыгы формированиеләре җитәкчеләре һәм АХ һәм АТ бүлеге белгечләре хуҗалыкларның машина ишегалларына барганда тракторларның һәм прицеплы авыл хуҗалыгы техникасының әзерлеген бәяләделәр. «Россельхозцентр» белгечләре катнашында ашлык складларында орлык материалы булу-булмавы һәм агулау машиналарының әзерлеге, минераль ашламалар булу-булмавы һәм аларны саклау шартлары тикшерелде. Тикшерү нәтиҗәләре буенча көзге культураларның торышына бәя бирелде. Язгы тикшерү кышлаудан соң көзге культураларның яхшы хәлдә булуын күрсәтте. Район башлыгы Сергей Демидов «Алексеевское» ХП һәм «Биләр» ВЗП әзерлек линейкасында булды (фотода). Хуҗалык җитәкчеләре язгы кыр эшләренә әзерлек турында хәбәр иттеләр һәм агымдагы мәсьәләләр буенча фикер алыштылар. Механизаторлар белән аралашканда, район башлыгы куркынычсызлык техникасын үтәүгә аерым игътибар бирде һәм эшчеләргә яхшы уңыш теләде.

Номер килеп җиткәндә, «Алексеевское» ХП хезмәткәрләре күпьеллык үләннәрне тукландыруга чыктылар. Басуда 4 «Тумана» эшли. Якын арада күпьеллыкларга ашлама кертүне тулысынча тәмамлау планлаштырыла.