Аерылышу проблемасы турында гына түгел
РМЙ базасында депутатлар корпусы, министрлык һәм ведомство вәкилләре, руханилар һәм район активы катнашында республика семинар-практикумы узды.
«Безнең районда 2022 елда 137 никах теркәлгән, бу узган елгыдан өчтән бер өлешкә диярлек күбрәк, - дип сөйләде район башлыгы Сергей Демидов, - узган елда аерылышулар саны да яртысына кимегән. Гаиләнең таркалуының төп сәбәбе-гаилә кыйммәтләренең томаланган кысалары. Бу проблема турында сөйләү генә түгел, аны чишү өчен адымнар ясау да бик мөһим»
Сүзләрдән эшкә монда ук, РМЙ аудиторияләрендә күчтеләр. Анда тәҗрибәле психологлар шәхси консультацияләр үткәрделәр. Ә егетләр һәм кызлар белән фикер алышу мәйданчыгында гаиләне планлаштыру мәсьәләләре һәм
башкалар турында фикер алыштылар.
ТР Дәүләт Советы депутаты Алсу Тарханова билгеләп үткәнчә, әкиятләр генә туй белән тәмамлана, ә тормышта барысы да туйдан башлана гына.
ТР ГХАТ Идарәсе башлыгы Гөлшат Нигъмәтуллина белем бирү учреждениеләрендә гаилә белеме курсын кертүнең мөһимлеген билгеләп үтте.