Алексеевскийда ГТХК утырышында булачак су басуга әзерлек мәсьәләләре буенча фикер алыштылар

Алексеевскийда ГТХК утырышында булачак су басуга әзерлек мәсьәләләре буенча фикер алыштылар
Комиссияне Алексеевск муниципаль районы башкарма комитеты җитәкчесе вазифаларын башкаручы Марат Гайсин җитәкләде. Шулай ук ВКС режимында җирлек башлыклары, район оешмалары һәм предприятиеләре җитәкчеләре катнашты.
Әлеге мәсьәлә буенча мәгълүмат белән бистә мэры Игорь Свистунов чыгыш ясады.
Киңәшмәдә катнашучылар булачак су басуга әзерлекнең беренче чираттагы бурычларын һәм аларны гамәлгә ашыру вакытын билгеләделәр. Су басуны булдырмау өчен су агызу торбаларын һәм каналларын чистарту, торак пунктлар территориясеннән кар чыгару буенча эшләр алып барыла. Хәзерге вакытта подрядчылар муниципаль район балансында булган федераль трассалардан су агызу каналларын беренчел чистартуга керештеләр инде.
Марат Гайсин предприятие җитәкчеләренә һәм авыл җирлекләре башлыкларына үз территорияләрен һәм су үткәрү торбаларын кардан һәм боздан алдан чистартырга киңәш итте. Язгы су басу вакытында районда күзәтү төркеме оештырылган, алар эрегән су дәрәҗәсен күзәтәчәк.