Районны үстерү өчен грантлар
Алексеевск районы юл хәрәкәте иминлеген тәэмин итү эшендә иң яхшыларның берсе дип танылды.
Хөкүмәт Йортында Татарстан Республикасы Министрлар Кабинетының һәм Татарстан Республикасы буенча Эчке эшләр министрлыгы коллегиясының уртак утырышы узды.
Рөстәм Миңнеханов рәислегендә юл хәрәкәте иминлеген арттыру һәм юл-транспорт һәлакәтләрен киметү буенча чараларны гамәлгә ашыру мәсьәләләре каралды. Чараны Татарстан Республикасы Премьер-министры Алексей Песошин ачты.
Уртак утырышта район башлыгы Сергей Демидов катнашты. Видеоконференцэлемтә режимында утырышка республиканың барлык муниципаль берәмлекләре вәкилләре, шул исәптән Алексеевск районының ведомство структуралары җитәкчеләре дә кушылды.
ТР буенча Эчке эшләр министры Артем Хохорин юл хәрәкәте иминлеген тәэмин итү буенча эш нәтиҗәләре турында төп доклад белән чыгыш ясады. Үз чыгышында ул юлларда һәлакәтләр арткан районнарны билгеләп үтте. Аутсайдерлар арасында республиканың Буа, Питрәч, Тәтеш, Биектау районнары да бар.
Утырыш кысаларында 2022 ел нәтиҗәләре буенча Юл хәрәкәте иминлеген тәэмин итү буенча иң яхшы муниципаль комиссияләр билгеләнде. Бу-Лениногорск һәм Алексеевск районнары комиссияләре.
Татарстан Президенты Рөстәм Миңнеханов Сергей Демидовка белем бирү оешмаларында юлларда куркынычсызлык кагыйдәләрен өйрәнү өчен укыту җиһазлары сатып алу өчен 500 мең сумлык сертификат тапшырды.