Александр Холодилов: «Минем иртәм бер чиләк салкын судан башлана»

Биләрдә яшәүче гомере буе « моржевание» белән шөгыльләнә һәм гаиләсен сәламәт яшәү рәвешенә җәлеп иткән

Бик аз кеше Александрга 62 яшь дип уйлый. Нәфис, буйчан кеше үз яшенә бөтенләй тартмый. Барысы да сәламәт яшәү рәвеше аркасында. Кемдер иртәне белән бер чынаяк кофе белән башлый, ә Александр аны бер чиләк салкын су белән башлый.

«Иртән торам, бер стакан су эчәм һәм тышка салкын су белән коенырга барам. Аннары гына мин иртәнге аш ашыйм һәм өй эшләрен башкарам. Ә соңыннан күлгә бәкедә су коенырга барам», - ди Александр.

Ир-ат үзен спортчы дип санамый, тик яшьтән үк бәкегә чумып, гер күтәрә. Шулай ук чаңгыда йөри һәм велосипедта йөри.

Нәрсәдән башланган соң бу

«Минем ишегалдында 50 кг авырлыктагы гер басып тора иде. Мин әкренләп аны күтәрә башладым.Ә соңыннан газетада Нурлаттан йөз яшьлек бер бабайның 32 килограммлы герны бер бармак белән күтәрүен укыдым. Бу мине кызыксындырды һәм мин дә сынап карарга булдым. Герне бармагым белән күтәрә башладым, ә соңыннан күнегеп җиттем һәм хәтта чәнти бармак белән дә күтәрә башладым», - дип сөйли Александр Холодилов.

Үз сүзләрен раслап, ул герне бер бармагы белән алды һәм аны һавага 20 тапкырдан артык күтәрде. Аннан соң гер янына  хәбәрче Алексей Вангаев белән дә килдек, моны эшләү авырмы-юкмы икәнен тикшерәсе килде. Без герне ике кул белән үз тезләребез дәрәҗәсенә күтәрә алдык. Ә 50 килограммлы герне мин хәтта идәннән дә ала алмадым.

Александр үз гаиләсен дә шөгеленә җәлеп иткән. Хатыны Нина өчен ул бакчада чаңгы юлы ясаган, ә улы Анатолий балачактан ук әтисенә бәкегә коенганда компания төзи. Улым белән икәү күлне күп тапкыр йөзеп чыктык, велосипедта йөрдек һәм берничә чакрымга йөгердек.

«Миңа бер тапкыр Чирмешән елгасы аша чыгарга кирәк иде. Ташу ага иде, һәм икенче якка алып баручы күпер түбән, аны тулысынча су басты. Миңа бу теге якка эләгү бик кирәк иде. Мин үз-үземә әйттем, Чапаев елганы бер кулы белән йөзеп чыккан, ә мин булдыра алмаячакмынмы? Киемнәремне салдым, итекне итеккә тыктым һәм күтәрелгән кулыма барысында тоттымда икече якка йөзеп чыктым. Шуннан соң мин судан бөтенләй курыкмый башладым», - дип искә төшерә Александр.

Әзерлек

Бәкедә коену җиңел эш түгел. Башта йөзү өчен урын әзерләргә кирәк. Алар фикердәшләре улы Анатолий һәм аның дусты Рамил Абраров белән бергә күл участогын төзекләндерделәр. Корыган агачларныалып,үләннәрне чабып, керергә уңайлы булсын өчен күлнең бер читенең төбенә ком салалар.

«Бәкене  бер тапкыр уябыз. Боз калынлыгы якынча 20 см. Аннары инде аны агач битләр белән каплыйбыз һәм өстенә кар һәм боз ташлыйбыз. Анары килгәч, каплам  астындагы боз инде калын түгел,  3 сантиметрлап кына барлыгы һәм чистарту җиңелрәк. Без гадәттә көн аралаш коенабыз, шуңа күрә боз артык каты туңып өлгерми. Бу шулай ук җирле балыклар өчен зур плюс. Бу күлгә җибәрелгән маймычларга кышын кислород җитми, ә без  боз ачканда алырга аны алырга булышабыз булышабыз», -ди Александр.

Тәүге тапкыр...

Су коену урынына килгәч, ир - атлар 10 минут эчендә бәкене боздан чистартып, киенергә киттеләр. Шул ук вакытта  безнең янга машина килеп туктады ,аннан яшь кыз Алсу Фәттахова чыкты. Ул беренче тапкыр бәкегә чумарга булган.

«Минем кышын коену тәҗрибәм юк, җәй һәм көз айларында гына коендым. Сынап карау, яңа хисләр алу кызык», - диде Алсу.

Мин дә үземдә кышкы коенуның рәхәтлеген татып карарга һәм Алсуга компания төзергә булдым. Бу көнгә кадәр бәкедә бер тапкыр да коенмадым,Крещениедә ике тапкыр купелдә чумып алган идем. Монда ачык һава һәм кышкы салкынлык. Ләкин без эшләп карарга булдык.

Александр Холодилов безгә һәм кышкы коенуга яңа килгән барлык кешеләргә, бәкегә чумуга ничек дөрес әзерләнү кирәклеген киңәш итте.

«Гомумән, җәйдән башларга кирәк. Организм күнексен өчен көн саен өстеңә су коярга кирәк. Ә бәкегә керер алдыннан разминка ясарга: тән җылынсын өчен 20-30 тапкыр сыгынырга яки утырырга. Үзеңне алкоголь белән «кыздырырга» ярамый. Югыйсә бу бәкедә калырга да мөмкин», - дип уртаклашты Александр.

Киңәшне тотып, без җылындык һәм чиратлап бәкегә кердек. Хисләр бик тәэсирле. Бер үк вакытта салкын да, кайнар да булды, сулыш та тотылды. Тик Алсу Фәттахова белән без моның гаҗәпле булуына һәм соңгы тапкыр коенмыйбыз дигән фикергә килдек.

Александр үзе бәкегә чумып, анда күңелле җырлар җырлап йөзде, ә соңыннан кар өстенә чыгып , кояшта «җылынырга» ятты. Без авызны ачып тордык, ә аның өчен бу гадәти хәл, һәм ул моның белән туктамады. Коенганнан соң, Александр киемнәрен алыштырып һәм салкын судан соң тәнне җылыту өчен безне аның белән берничә километр йөгерергә чакырды. Ул һәрвакыт шулай эшли.

Александр фикеренчә, салкын су белән коену, бәкедә коену, алкогольсез һәм тәмәке тартмыйча сәламәт яшәү рәвеше аңа бу яшьтә үз сәламәтлеген сакларга мөмкинлек биргән. Соңгы тапкыр хастаханәгә барганыгыз һәм салкын тию белән авырганыгыз бармы дигән сорауга ул җавап бирә алмады, хәтерләми. Пандемия вакытында да коронавирус аның йортын әйләнеп узган.