Яңа ел алдыннан Алексеевскида яңа 24 фатирлы йорт тапшырылды

«Алексеевскдорстрой» предприятиесенең 24 хезмәткәре яңа фатир ачкычларына ия булды. Алексеевскилыларны шатлыклы вакыйга белән Татарстан Премьер-министры Алексей Песошин һәм Алексеевск районы башлыгы Сергей Демидов котлады.

«Үрнәк лаеклы мисал. Без республикада эшчеләр өчен базар бәясеннән түбәнрәк бәягә торак төзүче социаль җаваплы предприятиеләр барлыгын күреп шатбыз. «Алексеевскдорстрой» - безне беркайчан да сынатмаган предприятие. Сәламәтлек, уңышлар һәм, әлбәттә, яңа торак алудан шатлык телим» - диде Алексей Валерьевич.

ТР Дәүләт Советы депутаты Фоат Вәлиев предприятие хезмәткәрләренә фатир ачкычлары тапшырды һәм Яңа елны яңа торакта каршылауларын теләде.
Күпфатирлы йорт билгеләнгән вакыт эчендә предприятие акчасына төзелде.