Район хакына тормыш

8 декабрьдә Алексеевск районының мактаулы кешесе Николай Леденцов 70 яшьлек юбилеен билгеләп үтте.

Сахаровка авылы егете бөтен гомерен туган ягына багышлады. Бүгенге көнгә кадәр җитәкче вазыйфаларда эшләп, Николай Иванович район һәм кече ватаны үсешенә үз өлешен кертә.

Район Советы депутаты озак еллар торак-коммуналь хуҗалык өлкәсендә эшләде. Хезмәт юлын авыл хуҗалыгында башлый: өч ел «Тельманский» совхозы баш инженеры һәм 12 ел «Войкинский»совхозы директоры булып эшли. 1993 елда торак-коммуналь хуҗалыкның күп тармаклы предприятиесен җитәкли, соңрак «Алексеевск инженерлык челтәрләре»итеп үзгәртелә. Шушы елларда аның катнашында район үзәгендә полигон (каты көнкүреш калдыклары), чистарту корылмалары төзелде һәм файдалануга тапшырылды. 2012 елда предприятие Татарстанда беренчеләрдән булып торак күп фатирлы йортларны автоном җылылык белән тәэмин итү системасына күчерү программасын тормышка ашырды. Бу еллар дәвамында оешма бистәне төзекләндерүгә һәм районда социаль объектлар төзүгә өлеш кертә. Николай Иванович, патриот буларак, Алексеевскида Воскресения Христова гыйбадәтханәсен төзүдә актив катнаша. Төзелештә инициатор була, шулай ук Николай Иванович һәм авыл халкы иганәләре ярдәмендә Сахаровкада Рождества Христова чиркәве төзелә. Ул Речноедагы Николаяй Чудотворец гыйбадәт йортын тотуга зур өлеш кертә. Күп балалы, аз керемле гаиләләргә ярдәм итә, якшәмбе мәктәбендә тәрбияләнүчеләргә һәм иҗтимагый оешмаларга булыша.

Актив һәм мәшәкатьле тормышы өчен күпсанлы бүләкләргә лаек булды, алар арасында« ТРның Атказанган торак–коммуналь хуҗалыгы хезмәткәре »һәм« Алексеевск районының Мактаулы кешесе»исемнәре бар.