Түләүсез юридик ярдәм көне

18 ноябрьдә «Бердәм Россия» партиясенең Алексеевск җирле бүлекчәсенең җәмәгатьчелекне кабул итү бүлмәсендә Бөтенроссия халыкка түләүсез юридик ярдәм күрсәтү көне узачак.

Кабул итү Алексеевск шәһәр тибындагы поселогы, Совет мәйданы, 2 йорт адресы буенча башкарылачак. (КФҮ бинасы). Өстәмә мәгълүмат алырга һәм кабул итүгә алдан 8(84341) 2-40-94 телефоны буенча язылырга мөмкин.

***

18 ноябрьдә, Хокукый ярдәм көнендә, 10.00 сәгатьтә район мәдәният йортында ятим балаларга, ата-ана каравыннан мәхрүм калган балаларга, шулай ук ата-ана тәрбиясеннән мәхрүм калган баланы үз гаиләсенә тәрбиягә алырга теләүчеләргә түләүсез юридик консультация биреләчәк. Шулай ук инвалид балаларның әти-әниләре юридик консультациядән файдалана алачаклар.