Пенсия фонды хәбәр итә

2020 елның июненнән Россия Федерациясендә балалы гаиләләргә ярдәм итүгә юнәлдерелгән чараларны этаплап гамәлгә кертү һәм киңәйтү гамәлгә ашырыла.

Агымдагы елның 28 сентябрендә Дәүләт Думасына Россия Федерациясендә 2023 елның 1 гыйнварыннан универсаль пособие билгеләү турында закон проекты кертелде.

Универсаль пособие бүген гамәлдә булган 6 ярдәм чарасын берләштерәчәк.

1. Йөклелекнең иртә срокларында медицина оешмасында исәпкә баскан хатын-кызга айлык пособие.

2. Вакытлыча хезмәткә сәләтсезлек очрагында һәм ана булу сәбәпле мәҗбүри социаль иминләштерелергә тиеш булмаган гражданнарга баланы карау буенча пособие.

3. Беренче бала туу (уллыкка алу) белән бәйле айлык түләү алар 3 яшькә җиткәнче.

4. 3 яшьтән 7 яшькә кадәрге балага айлык акчалата түләү.

5. 8 яшьтән 17 яшькә кадәрге балага айлык акчалата түләү.

6. 3 яшькә җиткәнче, икенче бала туу (уллыкка алу) белән бәйле айлык түләү (федераль һәм төбәк бюджетлары акчаларын җәлеп итмичә ана капиталы акчалары исәбеннән бирелә).

Булган түләүләрдән балалар өчен универсаль пособияләргә күчүне тәэмин итү өчен, алар инде билгеләнгән түләүләрне ала яки бала 2022 ел ахырына кадәр туса, саклану нормасы каралган. Беренче балалары булган гаиләләр, балага 3 яшь тулганчы, иске шартларда түләүләрне ала алачак. Бөтен чор дәвамында мондый гаиләләр шулай ук универсаль пособиегә күчү хокукын ала.

Пособиене рәсмиләштерү өчен гариза дәүләт хезмәтләренең бердәм порталы аша электрон рәвештә, МФЦ һәм социаль фондның территориаль органнарына аша шәхсән мөрәҗәгать иткәндә  тапшырыла.