Җиңү белән кайтыгыз

Аграр көллияттә мобилизация ресурсларын җыю пункты ачылды, анда өлешчә мобилизациянең икенче дулкыны бара.

Якшәмбе һәм дүшәмбе көннәрендә бирегә кыюлык күрсәткән һәм Ватан чакыруына җавап биргән район кешеләре килде. Әле кичә генә бу төрле һөнәр ияләре - комбайнчылар, төзүчеләр, эшчеләр, эшмәкәрләр, хезмәткәрләр иде, ә бүген алар ил флагы астына  басып, Ватанны сакларга әзерләнәләр.Өйрәнү полигонына озату алдыннан чыгыш ясаганда, нәкъ менә батырлыклары  өчен алексеевскилыларга район башлыгы Сергей Демидов  рәхмәт белдерде.

«Беренче чиратта рәхмәт әйтәсем килә, сез качмадыгыз, курыкмадыгыз, Ватанны сакларга дип намус һәм бурыч белән килдегез. Моның өчен сезнең алда баш иям. Сез монда калганнарны якларга барасыз: хатыннарыгызны, балаларны, әниләрне, безнең тыныч күк йөзен. Сезгә бер генә нәрсә телим исән -сау һәм сәламәт кайтуыгызны. Сез  гаиләләрегез өчен борчылмагыз-без бөтен кирәкле ярдәмне күрсәтәчәкбез, моны шәхси контрольгә алам, берәүне үзләрен генә калдырмыйбыз. Ходай белән, Җиңү белән кайтыгыз», - дип мөрәҗәгать итте Сергей Анатольевич беренче сугышчылар командасын җибәргән вакытта мобилизацияләнүчеләргә. Икенче көнне солдатларның икенче өлешен озатканда да шул ук сүзләрне әйтте.

Ярдәм һәм дога белән алексеевскилыларны   дин әһелләредә озатты.

«Кадерле туганнар , сездән батырлык һәм хөрмәт беркайчан да китмәсен, көнгә биш тапкыр сезнең өчен дога кылырбыз. Барысы да әйбәт булсын һәм өйгә  исән -сау әйләнеп кайтыгыз»,- дип мөрәҗәгать итте Алексеевск мөхтәсибәте мөхтәсибе Рөстәм хәзрәт Вальщиков сугышчыларга.

«Кадерле сугышчылар, сезнең бүген җаваплы көнегез-сез якыннарыгызның, район җитәкчеләренең фатихасын, Аллаһы Тәгаләнең   изге хезмәтенә Ватаныбыз чакыруына фатиха  аласыз. Бу ирләр эше, һәм без моңа әзер булырга тиеш – ул һәркайчан, һәрвакыт булды. "Кем Алла белән, кем дога белән - ул җиңелмәячәк", - дип сөйләгән Александр Суворов, Федор Ушаков, Александр Покрышкин. Дога - безне Алла белән тоташтыручы көч», - диде Алексеевск округының благочинные, протоиерей Павел Чурашов. Шуннан соң ул православие динен тотучыларга изге су сипте һәм теләге булганнарга тәнгә тага торган тәреләр һәм догалар тапшырды.

Көллият янындагы мәйданда хатыннары, балалары, ата-аналары, туганнары, дуслары һәм танышлары җыелган иде. Алар барысы да солдатларны өйрәнү полигонына озатырга килделәр. Десантчылар, чик сакчылары һәм диңгезчеләр шулай ук иптәшләренә ярдәм сүзләре әйтергә килделәр. Хатын-кызлар елады, балалар тизрәк кайтырга куштылар... Ирләр исә, үзләре үк, абруен, батырлыгын һәм үз-үзләрен тотышларын саклап калдылар. Чакырылганнарның күбесе армиядә һәм кайнар нокталарда хезмәт итү тәҗрибәсенә  ия. Медицина һәм чакырылыш комиссиясен үткән вакытта без аларның кайберләре белән сөйләшә алдык.

Чакырылганнар арасында 8 ел элек армиядә элемтәче булып хезмәт иткән Кирилл Белобородов та бар. Хәзер бу хәрби белгечлеккә ихтыяҗ бар.

«Чакыру көтелгән иде. Чакыруларын аңлау бар иде, ләкин 15: 00 дә повестка китергәч һәм икенче көнне иртәнге 7дә килергә кушкач - моңа тулысынча әзер булу катлаулы иде. Туганнарым, әлбәттә, борчыла, әмма мин аларны тынычландырам, уңай якка өндим. Кәефсезләнергә ярамый-бу намус һәм бурыч эше, читкә тайпылмаячакбыз, Илне, Ватанны якларга барабыз. Китү, яшеренү дөрес түгел. Хәрби бурычлы кеше ахырга кадәр барырга һәм курыкмаска тиеш», ди Кирилл.

«Мобилизациягә мораль яктан әзер идем, чакыруларын белә идем. Бу безнең бурычыбыз, егетләргә алгы сызыкта ярдәм итәргә кирәк, алар безне көтәләр», - дип ышаныч һәм тынычлык белән сөйли десантчы Александр Банницин.

Алексеевскилыларны Казан янында урнаштырдылар, анда армия хезмәте күнекмәләрен торгызачаклар. Шимбә көнне туганнарына һәм якыннарына үз яклаучыларын күрергә мөмкинлек бирелә.

ЗАГСтан-хәрби комиссариатка!

Өлешчә мобилизация район халкын «паспорттагы штампка»мөнәсәбәтен үзгәртергә мәҗбүр итте.

Октябрь аенда районда үз мөнәсәбәтләрен законлаштырырга теләүчеләр саны арткан. ТР ЗАГС идарәсе карары белән Татарстанда никах теркәүнең гадиләштерелгән процедурасы эшли башлады. «Хәзер, бер сәгать эчендә повестка биргәндә, гашыйклар язылышырга мөмкин. Мондый мөмкинлектән гариза биргән көнне теркәлгән 6 пар файдаланган инде», - дип хәбәр итте ЗАГС бүлегенең әйдәп баручы белгече Алсу Кәбирова.

Дүшәмбе көнне Алексей һәм Галия Капитоновлар үз мөнәсәбәтләрен законлаштырдылар. Алар өйрәнү полигонына озату көнендә язылышты.

«Без инде 8 ел бергә яшәдек һәм күпмедер вакыт теркәлүне кичектереп тордык. Чакыру бер ай элек килде. Шул чакта язылышырга булдык, гариза бирдек. Бөртеклеләрне җыюда катнашуыма бәйле рәвештә, мине шунда ук алмадылар, ә урып-җыюны тәмамларга бирделәр. Һәм менә кичә, кырда, сәгать өчтә повестка алып килделәр, комбайнны куйдым да, өйгә җыенырга кайттым. Үзегез аңлыйсыз-эшләр күп тәмамлап өлгеререргә кирәк. Ә бүген иртән безне ЗАГС та язылыштырдылар», - ди Алексей.