Алексеевск районы халкы «ZOV игелекле ихтыяр»акциясендә катнашуын дәвам итә

«Красный Восток» клуб бинасында беренче кирәк-яраклар, медикаментлар, җылы кием (йон оекбашлар, термокиемнәр, перчаткалар) җыю оештырылган.

Шулай ук монда рәсемнәр белән ярдәм хатлары китерергә мөмкин. Авыл халкы да безнең солдатлар өчен әйберләр җыюга кушыла. Зирекле, Войкино, Биләр һәм башка авыл җирлекләрендә яшәүчеләр әйберләр һәм медикаментлар җыйды. Җирлек башлыклары аларны әйберләрне кабул итүче волонтерларга тапшырды.

« Без бары тик әйберләр һәм медикаментлар гына кабул итәбез, ә акча җыю гыйбадәтханәдә оештырылган«, - дип билгеләп үтте клуб директоры һәм «Просторный» ТОС рәисе Светлана Некрасова.

Акциягә теләсә кем кушыла ала. Әйберләрне җыю клуб бинасында Есенин урамы 19  адресы буенча 8дән 19: 00гә кадәр бара.

Христосның терелү гыйбадәтханәсендә Алексеевск районы мобилизацияләнүчеләр өчен квадрокоптерга акча җыю оештырылган.

Украинага җибәрергә әзерләнүче сугышчыларга заманча разведка чаралары кирәк.

Махсус хәрби операциядә катнашучылар һәм киләчәктә катнашырга җыенучылар өчен беренче кирәк-яраклар, шулай ук квадрокоптер сатып алу өчен акча җыю бара. Иганәләрегезне чиркәү кибетендә калдырырга мөмкин. Беренчеләрдән булып чакыруга җавап биреп «Пчелка» балалар бакчасы хезмәткәрләре җылы әйберләр һәм кирәк-яраклар җыйды. Чиркәү кибете 8 сәгатьтән 15.00 сәгатькә кадәр эшли.

Район оешмаларында һәм предприятиеләрендә сугышчылар өчен дә кирәк-яраклар актив җыела. Мәгариф бүлеге инде медикаментлар, җылы оекбашлар һәм эчке киемнәр җыйды. Ә ветераннар советы активистлары йон оекбашлар бәйли башладылар.